Қараша айының басында жолға шыққан “Тәуелсіз Қазақстан” пойызы Петропавл қаласына жетті. Сағат түнгі бірде темір жол вокзалына жиналған солтүстікқазақстандықтар халық қалаулыларын, қоғам қайраткерлерін, жеті министрлік және үш ұлттық компанияның өкілдерін көтеріңкі көңіл-күймен, шашу шашып қарсы алды.
Облыстық ауыл шаруашылығы басқармасының хабарлауынша, алдағы уақытта өңірімізде төрт заманауи сүт кешені пайдалануға берілмек.
Үстіміздегі жылғы 8 қарашадан Петропавл қаласынан Астанаға ұшақтар қайта қатынай бастады. Ұшақтар сейсенбі және сенбі күндері қатынайды. Билет құны – 10 мың теңге.
Облыс әкімі Ерік Сұлтанов Қытайдың Харбин қаласында өтіп жатқан әлем кубогының бір кезеңінде жеңіс тұғырының ең биік сатысына көтерілген конькимен сырғанаушы жерлесіміз Роман Кречке құттықтау жеделхатын жолдады.
