День: 17.11.2016

Ақын, Қазақстан Жазушылар одағының мүшесі Тоқтар Зікіриннің есімі өңір жұртшылығына жақсы таныс. Көп жылдар бойы өңіріміздегі қазақ баспасөзінің қарашаңырағы – облыстық “Солтүстік Қазақстан” газетінде қызмет атқарған ақынның жырлары туған жер, өмір туралы толғаныстарға толы. Оқыған адамның жанын тебірен­тіп, көкіректерге үміт сәулесін ұялататын шынайы жырлары жетерлік. Сан қырлы әлеуметтік-қоғамдық тіршіліктің құбылыстары ақын өлеңдерінде өзгеше өрнектеліп, өнеге …

ШЫНДЫҚ ІЗДЕП ШЫРЫЛДАП ЖҮРМІН ӘЛІ Read More »

Ағаштарды жапырағынан айырған күздің қара суығы. Шиттей бала-шаға. Жылап-сықтаған ағайын-туыс. Мезгілсіз қазаға қабырғалары қайысып, қайғырған көршілер. Өмір мен өлімнің ортасындағы жағдайды түсінуге қауқарсыздық танытқан адамдар. Жүректерге зілмауыр мұң артып, орны толмас өкінішке душар еткен ажал. Бұл менің сүйіп қосылып, бір шаңырақ астында бақытты өмір сүрген жұбайым Мұраттың өмірден озған кездегі жағдайдың бір ұшқыны ғана.

Облыстық кәсіпкерлер палатасы өңірдің бес ауданындағы бизнес-қауымдастық өкілдерімен кездесті. Бұл кездесулер екі жаққа да тиімді. Палата орталықтың жұмысы жайлы есеп берсе, ауыл кәсіпкерлері өз өтініш-тілектерін жеткізді. Кездесуге палата басшылары, мемлекеттік органдардың және жергілікті билік өкілдері шақырылды.

Мамлют ауданындағы Андреевка ауылының тұрғыны Қуаныш Қаражұмановтың жолаушылар тасымалымен айналысып жүргеніне 10 жылдан асты. Бастапқыда екі автобуспен аудан орталығына жақын елді мекендерден жолаушылар тасыса, өткен жылы Мамлютка қаласындағы автобекетті сатып алып, кәсібін кеңейтті. Рас, бұл мәселе оңай шешіле қойған жоқ, бірқатар кедергілер жолын кескестеп, оның шешімін кәсіпкерлер палатасының аудандық филиалымен бірге тапқан болатын.

Петропавлдағы “Көпбейінді жабдықтар зауыты” жауапкершілігі шектеулі серіктестігі “Қазақстанның үздік тауары – 2016” көрме-байқауының облыстық кезеңінде “Өндірістік мақсаттағы үздік тауар” аталымы бойынша жеңімпаз атанып, отандық тауар өндірушілердің республикалық сайысына жолдама алған болатын. Өңір экономикасына сүбелі үлес қосып отырған өндіріс орнының өзіндік артықшылықтары көп.

Жамбыл ауданының орталығы – Пресновка ауылында “Тәуелсіздік жылдарындағы орман шаруашылығын жаңғырту кезеңдері” атты форум өтті.

Сәулеш Идаятқызы – еліміз егемендік алғаннан кейін отбасы, ағайын-туғандарымен алғашқылардың қатарында атажұртқа оралған. Оның кішкенекөлдік болып кеткеніне – 25 жыл. Аудан орталығындағы №3 орта мектепте білім нәрінен сусындап, кейін сол білім ошағына мұғалім болып оралған тәлімгердің бүгінгі ұрпақ тәрбиесінде ойып алар орны бар. Технология пәнінің ұстазы Сәулеш Идаятқызының есімі аталса, оның мұғалімдігімен бірге шеберлігі де …

Сан қырлы Сәулеш Read More »

Бүгінгі таңда бұқаралық ақпарат құралдарында тойдағы келеңсіздіктер жайында көп айтылып, жазылып жүр. Жақында облыс орталығында өткен үйлену тойында болып, жас асабаның өнеріне сүйсініп қайттым. Ағайын-туысқанмен, дос-жаранмен бірге той қызығын бөліскенге не жетсін?! Келін түсіріп, қолы ұзарған тәтеміздің де қуанышында шек жоқ. Сөйтіп, беташар айтылып, киелі қара домбырамен ақ келіннің беті ашылды. Содан соң маржан сөздің …

АСЫРА СІЛТЕМЕ, АСАБА! Read More »

Ата-анасы азан шақыртып, атын Әлкен деп қойған, ал былайғы жұрт Қаңбақ шал деп кеткен оның кескін-келбеті жас кезінде қандай болғанын кім білсін, қазір қадалып, көз тоқтата алмайсың. Бет-аузы бір ақ уыс, азу тістерінен айрылған болуы керек, екі жағы опырылып, иегі салбырап қалыпты. Маңдайдан мойынға дейін тілім-тілім, алты ай жаңбыр көрмей жарылып кеткен жер сияқты. Оның …

ҚАҢБАҚ ШАЛ Read More »

“Итпен ойнаған үреді, баламен ойнаған күледі” деп қазекем айтқан. Қай заманда айтса да, тауып айтқан ғой. Балдырғанның бал тіліне мәз болып, қайта-қайта сөйлетесің. Бір жаңа сөз жаттаса, үлкен жетістіктей көріп мақтанасың. Күлсе бірге күліп шаттанасың.

…Перзентханаға түскеніне екі күн болған Іңкәр күндіз күлкіден, түнде ұйқыдан айрылды. Анасының ақ сүтіне жарымай, шыр-шыр етіп жылай берген шақалағына қарағысы да келмейді. Бөпелерін құшақтап, оны мейірлене иіскеген палатадағы жас аналардың әр сөзі, әр күлкісі оның жүйкесіне тиіп, көңіл-күйі одан сайын бұзылды.

Облысымызда осыдан төрт жыл бұрын құрылған “Әйелдер көшбасшылығы мектебі” бүгінде жүйелі түрде жұмыс істеуде. Аталмыш мектептің заман талабынан қалмай, қоғамдық шараларға белсенді түрде қатысатын қыз-келіншектер үшін пайдасы зор. Қазір мұнда келушілердің саны 200-ге жуық. Жақында “Әйелдер көшбасшылығы мектебінің” ұйымдастырушылары өзінің кезекті жиынын өткізіп, “Гендер және саясат”, “Бір әйелдің қолынан не келеді?” деген тақырыптар төңірегінде мәнді, …

МАҚСАТ ТА, ҰМТЫЛЫС ТА БАР Read More »

“Шаңырақ” айқармасына Қызылжар ауданында тұратын оқырманымыздан хат келді. Ол жалғыз тұратын зейнеткерлерге, мүгедек жандарға қашанда көмек қолын созуға дайын тұратын әлеуметтік қызметкерге алғысын білдірген екен.

Биылғы жылы мемлекетіміздің мәртебелі белесі – Тәуелсіздіктің 25 жылдық мерейтойында қол жеткізген жетістіктерді таразылай отыра, отбасылық дәстүрді насихаттау жолындағы игі шаралардың орны бөлек екенін ерекше атап өткен жөн.

Төрткіл дүниеге аты мәшhүр философтар, жалғанды жырға қондырған атақты шайырлар, даңқты қолбасшылар мен өз заманын уысына сыйдырған патшалар мойындап кеткен әлемнің жеті кереметі бар. Олар Хеопс пирамидасы, Семирамида аспалы бағы, Артемиданың ғибадатханасы, Зевс мүсіні, Галикарнас мавзолейі, Родос алыбы мен Александрия маягы. Осылардың ішінде Артемиданың әлемге аты әйгілі ғибадатханасы небір дүбірлі дәуірлерді өткерген тарихи ғимарат екені …

“ГЕРОСТРАТТЫ ҰМЫТАЙЫҚ!” немесе “Атың шықпаса, жер өрте” Read More »

Мәскеулік музыканттар әнсүйер қауымға естен кетпес кеш сыйлады. Олар ұмытылып бара жатқан романс жанрында өнер көрсетіп, көрермен қауымның ықыласына бөленді.

Мен белгілі жазушы, жерлесіміз, марқұм Герольд Бельгерді көптен бері білетінмін. Оны толып жатқан көп жазушының бірі емес, қазақтың нағыз жанашыр азаматы, аудармашы, қазақ тілі мен әдебиетінің тәлімгері, қазақ әдебиетінің көрнекті өкілі және Қазақ елінің патриоты ретінде танимын. Жазушының ерен еңбекпен, ізденіспен өрілген өмірбаянына үңілсек, тағдыр тауқыметін жасынан-ақ бір кісідей тартқандығын ұғынамыз. Өмірден көрген-түйгенін табиғи дарынына …

ҚАЗАҚТЫҢ НАҒЫЗ ЖАНАШЫРЫ Read More »

Өмірде мамандықтың түрі көп. Әр мамандықтың өзіндік ерекшелігі бар. Адамдар мамандықты жүрегінің қалауы бойынша таңдауы керек. Өз ісін жақсы көріп, үлкен жауапкершілікпен атқарғанда ғана адам өзін бақытты сезінеді екен.

Тайынша қаласындағы “Агро-бизнес” колледжінің ұжымы бүгіндері кәсіптік білім берудің арнайы бағдарламасын жүзеге асырып, жақсы жетістіктерге қол жеткізіп келеді. Мұнда “Фермерлік шаруашылық”, “Тамақтандыруды ұйымдастыру”, “Ғимараттар мен құрылымдарды салу және пайдалану”, “Дәнекерлеу ісі” мамандықтары бойынша 281 студент білім алуда.

Ата-бабаларымыздың ғасырлар бойы аңсап келген егемендігін алғанымыз кеше ғана сияқты еді. Еліміздің Тәуелсіздік алған 25 жылдың ішінде шекарамыз шегенделіп, тіліміз мемлекеттік мәртебесін алды, төл теңгеміз нығайды, еліміз төрткіл дүние танитын халге жетті. “Тарихты тұлғалар жасайды” дегендей, тәуелсіздіктің іргесі берік болуы үшін барша қазақстандықтар өз саласында, өз деңгейінде атсалысуда. Білім саласында жемісті еңбек етіп жүрген ұлағатты …

ҰСТАЗДЫҚ — ҰЛЫ МАМАНДЫҚ Read More »