Үстіміздегі жылдың 1 қаңтарынан бастап Қазақстан Республикасының жаңа Еңбек кодексі күшіне енді. Осы орайда облыстық мемлекеттік еңбек инспекциясы басқармасы бекітілген жоспарға сәйкес Кодекстің жаңа нормаларын түсіндіру үшін барлық аудандарда және Петропавл қаласында көшпелі семинар-кеңестер өткізді.
Әлемнің дамыған елдері күнделікті өмірде кеңінен қолданып жүрген робототехника саласы елімізде соңғы жылдары жақсы дамып келеді. Инновацияға басымдық беріп отырған елімізде бұл сала аға буынға алынбас қамалдай болса, жаңалыққа жаны құмар жас ұрпақ үшін қандай жағдай жасалған? Біз осы мәселе төңірегінде журналистік зерттеу жүргізіп, оның нәтижесін бүгінгі мақаламызға арқау етіп отырмыз.
Қарашаның аязды күндері басталысымен Петропавлдағы тұрғылықты мекенжайы жоқ тұлғаларға арналған түнеу орны өз жұмысын қайта жандандырды.
Облысымызда жүргізілген “Қауіпсіз жол” жедел-алдын алу іс-шарасының үш күні ішінде 1621 құқық бұзушылық анықталды. Бұл күндері ұсталған жүргізушілердің 42-сі мас болса, 34-і жылдамдықты асырып, назарға іліккен. Тіпті, жүргізуші куәлігінен айрылғандар да көлік басқарудан қаймықпаған.
Жыл басынан бері өңіріміздегі ішкі істер департаменті кинологиялық қызмет орталығының қызметтік-іздестіру иттерінің көмегімен 600-ден астам қылмыс ашылған. Қылмыстардың дені – ұрлық. Сондай-ақ, иттер заңсыз айналымдағы 175 килограмнан астам есірткіні тапса, оның 800 грамы – героин. Динара САҒЫНДЫҚОВА, облыстық ішкі істер департаменті баспасөз қызметінің аға инспекторы.
Ауа райының күрт суытуынан тасжолда қиындықтар басталды. Жолда қалған, көктайғақта апатқа ұшырап жатқан көліктер аз емес.
Соңғы кезде ақын-жазушылардың жарық көрген кітаптарына мемлекет тарапынан қаламақы төлеу мәселесі жиі сөз болып жүр. Бұл ұлт руханиятының өрістеуіне үлес қосып жүрген қаламгерлердің еңбектеріне лайықты қолдау бола ма?
“Ерім деп еміренетін ел болмаса, елім деп езілетін ер қайдан болсын” деген халқымыздың даналығы тағдыры тәлкекке түсіп, басын бәйгеге тіккен ер-азаматтардың ерен еңбегін лайықты бағалай білу қажеттігі қоғам дамуының қай кезеңінде болсын маңызды екенін айғақтайды.
“Өмірдің бір белесі – отбасын құру. Егер алғаның, сүйгенің, жарың, жаның айтқандай болмаса, сенің адам болуың да неғайбыл”. Манаш Қабашұлы “Жұлдызым менің” атты кітабында осы сөздерді айтады. Сонда қазақ тарихының атасы, академиктің жары қандай адам болғаны? Алыптың әйелі де осал болмас. Сара Пішенбайқызы бүгінде Алматыда тұрады екен. Телефон арқылы хабарласып, білгім келген бірнеше сауалдарымды хатпен …
Қазақ “елім” деп еңіреген ерлер мен оның абыройын әлемге паш еткен жұлдызды тұлғалардан кенде емес. Ел басына күн туғанда атқа қонған, дуалы жиында сөз бастаған, шешілмейтін дауда билік айтқан тұлғаларымыз бар. Сондай жұлдызды тұлғалардың бірі – Манаш Қабашұлы Қозыбаев. Ресейдің Қорған облысымен шекарада жатқан кішкентай қазақ ауылында туып-өскен қазақтың қара домалақ баласы атағы әлемге әйгілі …
Шығармашылық еркіндік шын ғалымның жұлдызын жарқыратып, жасампаз қабілет-қарымын шырқау биікке шығаратынын қапысыз дәлелдеген қазақстандық тұлға һәм құбылыс – академик Манаш Қозыбаев. Азаттық тұсындағы 10 жыл 2 ай ғана ғұмыры ішінде Манаш аға оқырманның тарихи санасын жаңаша қалыптастырған, бұрын-соңды беймәлім деректер мен құжаттарға сүйенген, “ақтаңдақтар” ақиқатын ашқан ондаған монографиялар, жүздеген мақалалар жариялады. Әрқайсы тарихнамалық, деректанулық, эпистемологиялық, …
Жол… Ол алыс пен жақынды қосады. Бүгінгі мен болашақты жалғайды. Жолаушының мұраты жету. Біз, қазақ, ғасырлар бойы жоқ іздеген халықпыз. Біздің жоғалтқанымыз ең асылымыз – тәуелсіздік еді. Біз тәуелсіздікті іздеп соқпақпен де, сүрлеумен де жүрдік, кейде жолға да түскендей болдық, бірақ тығырыққа тіреле бердік. Осыдан он жыл бұрын түскен жолымыз даңғыл болды. Ол – тәуелсіздік …
“Кең даладан, бос даладан не пайда, бос далада Бостандығың болмаса!” – деп Қадыр ақын ата-бабамыздың аңсаған асыл арманы – Азаттыққа үн қосып, аға ұрпақтың жас буынға деген аманатын жеткізген еді. Сол аманаттың орындалғанына да 25 жылдың жүзі болды. Бұл мерзім аз ба, көп пе, бірақ қазақ ұлтының тарихындағы ең шешуші де сындарлы кезеңдер осы бір …
Еліміз жүріп өткен ширек ғасырдың бастауында 1991 жылы 16 желтоқсан күні қабылданған “Қазақстан Республикасының мемлекеттік тәуелсіздігі туралы” Конституциялық Заңы тұрғаны анық. Бұл маңызды құжат еліміздің демократиялық, зайырлы және құқықтық мемлекет құруына жол ашты. Ол кезде көптеген мәселелер шешімін таба алмай жатты. Қазақстанда демократия, нарықтық экономика, ізгілік және әлеуметтік әділеттілік қағидаларына негізделген мүлде жаңа құқықтық жүйе …
Петропавл қаласындағы Спорт сарайында мектеп оқушылары өңір велоспортының жайымен танысу мүмкіндігіне ие болды.
М. Қозыбаев атындағы Солтүстік Қазақстан мемлекеттік университетінің агрономия мамандығының 4-курс студенті Аманжол Шукеев Қазақстан студенттері арасында ауыл шаруашылығына арналған машина жасау саласындағы ірі инвесторлардың бірі “John Deer” компаниясы ұйымдастырған байқауға қатысып, жүлделі орынға ие болды.
Атақты академик Манаш Қозыбаевтың туғанына 85 жыл толды. Осыған орай оның есімімен аталатын Солтүстік Қазақстан мемлекеттік университетінің ұжымы кәсіптік білім беру мекемелерінде еске алу кештерін ұйымдастырды.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Алик Шпекбаев “Білім беру саласында сыбайлас жемқорлыққа қарсы мәдениетті қалыптастыру және оған қарсы мониторинг” тақырыбында селекторлық жиын өткізді. Ол еліміз бойынша білім беру саласындағы жемқорлық деңгейінің жоғары екендігін атап өтіп, оқыту мекемелеріндегі алым жинаудың жиілеп кеткендігін сынға алды. Үстіміздегі жылдың 9 айындағы …
Рустам Жаңабаев – облыс орталығындағы “Петропавл балық тәлімбағы” республикалық мемлекеттік қазыналық кәсіпорнының білікті маманы.
Елімізде “100 нақты қадам” Ұлт жоспарын жүзеге асыру барысында үстіміздегі жылдың сәуір айында “Азаматтарға арналған үкімет” мемлекеттік корпорациясы құрылған болатын. Жаңа құрылымға “Халыққа қызмет көрсету орталығы”, “Зейнетақы төлеу жөніндегі мемлекеттік орталық”, “Жылжымайтын мүлік орталығы” және “Жер кадастры ғылыми-өндірістік орталығы” кәсіпорындарының басы біріктіріліп, мемлекеттік қызметтерді көрсетудің бірыңғай провайдерін құру мақсаты көзделді. Корпорация мемлекеттік қызмет көрсету саласын …
