Өңір басшысы Ерік Сұлтановтың төрағалығымен өткен аппараттық кеңесте көктемгі су тасқынына дайындық барысы талқыланды. Облыстық төтенше жағдайлар жөніндегі департамент басшысының міндетін атқарушы Нұрлан Атығаевтың айтуына қарағанда, 1 қаңтардағы мәлімет бойынша облыс аумағына түскен қар орташа жылдық көрсеткіштен 120-210 пайызға артық. Облыс әкімі аудан басшыларына бір айдың ішінде елді-мекендердегі су тасқынын алдын-алу жұмыстарына дайындықты пысықтауды тапсырды.
Солтүстік Қазақстан облысынан “ЭКСПО-2017” көрмесіне баратын 180 ерікті іріктелді. Олар 3 айлық курста оқытылатын болады. Көрмені тамашалауға облыстан 136 мың адам барады деп жоспарланған. Олардың арасында оқушылар, студенттер, зйнеткерлер бар. Ал жетімдер мен аз қамтылған отбасынан шыққан балалардың шығыны бюджет қаражаты есебінен өтеледі деп күтілуде.
Облыстық маслихаттың тоғызыншы сессиясында Петропавл қаласындағы бірнеше көшелерді қайта атау және көшелерге жаңа атау беру туралы шешім қабылдады. Сөйтіп, “Явленское шоссе” көшесі Қожаберген жырау, “5-сенная” көшесі Қазбек Байболов көшесі болып өзгертілді. Ал “Солнечный” ықшам ауданындағы жаңа көшелерге Ғалым Малдыбаевтың, Есләм Зікібаевтың және Алексей Щербаковтың есімдері берілді.
Облыс халқының жан басына шаққандағы күнкөрісінің ең төменгі деңгейі былтырғы жылдың сәйкес мерзімімен салыстырғанда 7,6 пайызға өскен. Өңір тұрғындары азық-түлік қоржынына 11831 теңге жұмсап, оның 21,2 пайызына ет пен балық, 16,4 пайызына сүт, майы аз тағамдар мен жұмыртқа, 9,8 пайызына көкеністер мен жеміс-жидектер, 9,6 пайызына нан өнімдері мен жарма өнімдерін, 3 пайызына қант, шай мен …
