Қазақстан Республикасы Парламенті Мәжілісінің депутаттары Петропавл ауыр машина жасау зауытының жұмысымен танысты. Бүгінде мұнда бір мыңға жуық адам қызмет етеді. Кәсіпорын басшысының орынбасары Владимир Денисюк тапсырыс қабылдауда кедергілер кездесетіндігін сөз етті. Өз кезегінде Мәжіліс депутаты Сергей Звольский бұл мәселе назардан тыс қалмайтынын айтты.
Соколов балалар үйінің тәрбиеленушілері киокушинкай каратэден Қазақстан Республикасының чемпионы Сәния Мұқановамен кездесті. “Мейірімді жүрекпен” акциясының шеңберінде өткізілген шараны облыстық “Жас Отан” жастар қанаты филиалы Қызылжар аудандық филиалы жастар орталығымен бірлесіп ұйымдастырды.
Парламент депутаттары Мәулен Әшімбаев, Қуаныш Сұлтанов, Серік Біләлов, Ольга Перепечина, Мұрат Теміржанов, Сергей Звольский және Петр Шарапаев облыс активімен кездесті.
Облыс орталығында орнатылған бейнебақылау құрылғыларының көмегімен жыл басынан бері 303 әкімшілік құқық бұзушылық анықталған. Назарға іліккендердің 220-сы жол жүру ережесін, 83-і қоғамдық тәртіпті бұзған. Қырағы құрал биыл 3 қылмыстық істі ашуға септігін тигізсе, былтыр 19 мыңнан астам әкімшілік құқық бұзушыны «назарына» алыпты. Қалада барлығы 74 бейнебақылау камерасы орнатылған.
Облыстың белсенді жастары ағымдағы жылға арналған жұмыс жоспарын пысықтады. Кездесу барысында тың жобаның тұсауы кесілді. Петропавл қаласының жастар бастамалары орталығы ұйымдастырған «Жүзден – жүйрік, мыңнан – тұлпар» жобасы жаңа идеяларды сапалы әрі жоғары деңгейде жүзеге асыруға бағытталған.
«Жас Отан» жастар қанатының қалалық бөлімі 12 қаңтар күні Ғабит Мүсірепов атындағы балалар мен жасөспірімдерге арналған кітапханада буккроссинг акциясын өткізді. Тың шараның мәні мынада: бір адам өзінің оқыған кітабын қоғамдық орындарда, мысалы, саябақта, дәмханада, көлікте, кітапханада қалдырады. Ал оны тауып алған адам кітапты оқыған соң, оны келесісіне табыстайды. Кітаптың «жолын» бақылау ғаламтор желісіндегі арнайы парақша …
