Облыс әкімі Ерік Сұлтанов қаладағы құрылысы жүріп жатқан бірнеше нысанда болды. Өңір басшысы ең алдымен темір жол вокзалы ғимаратын қайта жаңғырту жұмысының барысымен танысты. Содан соң, жергілікті суретшілер галереясы етіп ашу жоспарланған “ Көпес Мурадовтың диірмені” ескерткіш-ғимаратына барды. Сонымен қатар, проваславиелік христиандардың мерекесі қарсаңында су тоғандарындағы шомылу рәсімі кезінде қауіпсіздік шараларының ұйымдастырылуын бақылады.
Павлодар қаласында 1999-2000 жылы туған жасөспірімдер арасында өткен жарыста жерлестеріміз Қазақстан Республикасының чемпионы атанды. Ал Талғар, Ақтөбе қалаларында облыстың әйелдер волейбол құрамасы қос күміс жүлдеге қол жеткізді. Былтырғы чемпионатта “Қуаныш” волейбол клубы үшінші орынға ие болған еді.
Көктем келіп, қар ери бастағанда жерлестеріміз тағы да әбігерге түсуі мүмкін. Облыстық төтенше жағдайлар жөніндегі департаментінің бөлім бастығы Асхат Бәкішевтің айтуынша, 2016 жылғы және бұның алдындағы жағдайлар жіті зерттелді. Нәтижесінде, облыстағы 95 елді мекенді су басуы ықтимал деген болжам жасалды. Онда 1,5 мыңнан астам үй бар және 4,7 мың адам тұрып жатыр. Сонымен қатар, жалпы …
Облыста 2012 жылы жасалған ауыр қылмыс ашылды. 51 жастағы петропавлдықтың із-түзсіз жоғалғандығы жөніндегі ақпарат қалалық полиция бөліміне 2013 жылдың басында түскен болатын. Осы уақыт аралығында іздестіру жұмыстары жүргізілді. Осы жылдың қаңтар айында қаладағы тұрғын үйлердің бірінің жертөлесінен жоғалған адам сүйегінің қалдықтары табылған. Оның өліміне қатысы болуы мүмкін күдікті қамауға алынып, Қазақстан Республикасының Қылмыстық кодексінің 99-бабы …
«Қарақоға» бақылау-өткізу бекетінің шекарашылары контрабандалық тауардың жолын кесті. Шекарадан 5 тонна темекі өнімін алып өтпек болған 1983 жылғы азамат ұсталды. Аталған іс бойынша облыстың мемлекеттік кірістер департаменті тергеу жұмыстарын жүргізуде.
Облыстық мәдениет үйінде мектеп оқушылары арасында ұлтаралық келісімді, достықты дәріптеуге бағытталған іс-шара өтті. Қалалық білім бөлімінің батамасымен ұйымдастырылған кездесуге Қазақстан халқы Ассамблеясы ақсақалдар кеңесінің, облыстық прокуратураның экстремизм мен лаңкестікке қарсы іс-қимылды бақылау жөніндегі бөлімнің, Петропавл қаласының жастар бастамалары орталығының өкілдері қатысты.
