Қызылжар өңірінде коммуналдық төлемдер бойынша қарызға белшеден батқан тұрғындар саны азаймай отыр. Қазір олардың берешегі 400 миллион теңгені құрап, сот органдарына 452 талап-арыз жолданған.
Облыстық мемлекеттік кірістер департаментінің экономикалық тергеу қызметі ұзақ уақыт бойы қолдан жасалған есеп-бақылау маркалары жабыстырылған алкоголь өнімдерін заңсыз сатып келген ұйымдастырылған қылмыстық топтың жолын кесті.
Жерлесіміз, кәсiпқой бокстан WBA (Super) мен IBO тұжырымдары бойынша әлем чемпионы Жанат Жақиянов (27-1, 18КО) чемпиондық белбеулерінің бірінен бас тартты.
Облыстық спортқа дарынды балаларға мамандандырылған мектеп-интернат өзінің 20 жылдығын атап өтті. Осы жылдар ішінде спорт мектебі 800-ден астам оқушының қанатын қатайтты. Ұжымды облыстық дене шынықтыру және спорт басқармасының басшысы Руслан Есеналин құттықтады.
Облыстық тарихи өлкетану мұражайында қазақтың көрнекті жазушысы, жерлесіміз Ғабит Мүсіреповтің 115 жылдығына арналған “Дархан дарын” атты көрме өтті. Көрме жәдігерлері жазушының шығармашылығынан және өмір жолынан сыр шертеді.
Петропавлдағы Ұлттық ұлан Әскери институтының ашылғанына 20 жыл толды. Солтүстік Қазақстан облысының әкімі Құмар Ақсақалов оқу орнының қызметкерлері мен курсанттарына мерейтойлық құттықтауын жолдады.
“Солтүстік Қазақстан облыстық рестораторлар мен отельерлер қауымдастығы” қоғамдық бірлестігінің, гуманитарлық-экономикалық колледждің және “Солтүстік Қазақстан оқу-өндірістік комбинаты” жауапкершілігі шектеулі серіктестігінің өкілдері облыстық кәсіпкерлік палатасына мамандарды сертификаттау орталығын ашуды ұсынды. Еліміз бойынша мұндай сертификаттау орталықтары екі өңірде сәтті жұмыс істеп жатқан көрінеді.
“Қазақстан Республикасы Қорғаныс министрлігінің әскери-техникалық мектебі” республикалық мемлекеттік қазыналық кәсіпорнының Петропавлдағы филиалы қабырғасында әскери ант қабылдау рәсімі өтті. Қасиетті міндеттерін мүлтіксіз орындаған 60 солтүстікқазақстандық жасқа мектеп басшылығы әскери билеттер табыстады. Бұдан соң сайдың тасындай іріктелген сарбаздар әскери әндер орындап, жиналғандарға саптық жүрісті тыңғылықты меңгергендіктерін көрсетті.
Сыбайлас жемқорлық – қоғамды кері сүйрейтін кесел. Ал одан сақтанудың бірден-бір жолы – адамды мектеп қабырғасында тәрбиелеу. Сондықтан мектептердегі тәрбие жұмыстарын уақыт талабына сай жетілдіріп отырған жөн. Өскелең ұрпақтың бойында сыбайлас жемқорлыққа қарсы мәдениетті қалыптастырудың маңызы зор. “100 нақты қадам” Ұлт жоспарының 13-қадамын орындау аясында былтыр Қазақстан Республикасы Мемлекеттік қызмет істері және сыбайлас жемқорлыққа қарсы …
Техникалық үдеріс көз ілестірмей дамып келеді. Соның бір көрінісі – күнделікті өзіміз пайдаланып жүрген ұялы телефон. Себебі, сымсыз телефонды өндіретін шетелдік фирмалар бір-бірінен асып түсу үшін оның неше түрін ойлап шығаруда. Қазақстандықтардың таңдауы – смартфон. Әлеуеті бардың мақтанышына, жоқтың арманына айналған бұлардың тілін ересек адам түгіл, бесіктен белі шықпаған бала да игерген. “Заманына қарай адамы” …
Қытымыр қыстың қыспағынан тезірек құтылуды ойлап, күннің нұры жауар наурыз айын асыға күтетіндердің қарасы қалың екендігінде дау жоқ. Әсіресе, көгілдір көктемнің алғашқы айын қуана қарсы алатындар – балалар.
2014 жылдан бастап жүзеге асырылып жатқан “Мәңгілік Ел жастары – индустрияға!” – “Серпін – 2050” әлеуметтік жобасы жастардың тегін әрі сапалы білім алуларына жол ашты. Бастапқыда мемлекет тарапынан жасалған бұл жақсылықтың шарапатын көруге ұмтылғандардың саны көп болып, бір оқу грантына екі-үш адамнан таласқан. Ал қазір олардың қарасы тіпті қалыңдады, есесіне талап та күшейтілді.
Егемендік алған 25 жылдың ішінде шынайы қол жеткізген табыстарымыз ауыз толтырып айтарлықтай. Экономикалық, әлеуметтік, мәдени салаларда да жаңалықтар жетерлік. Жүріп өткен ширек ғасырда бүгінгі уақыт талабына сай жаңа заманауи техникамен жабдықталған, тиімді технологиямен қаруланған көптеген кәсіпорындар бой көтерді. Халық игілігіне айналған тұрмыстық-әлеуметтік жүздеген нысандар салынды. Облысымыздың экономикасын ілгерілетуге елеулі үлес қосып жүрген сол кәсіпорындардың бірі …
Облыс әкімінің орынбасары Анархан Дүйсенованың төрағалық етуімен “Баршаға арналған тегін кәсіптік-техникалық білім беру жобасын енгізу”, “Нәтижелі жұмыспен қамтуды және жаппай кәсіпкерлікті дамыту бағдарламасының” бірінші бағытын жүзеге асыру бойынша кеңейтілген отырыс өтті.
Биыл еліміздегі байырғы жоғары оқу орындарының бірі – Манаш Қозыбаев атындағы Солтүстік Қазақстан мемлекеттік университеті 80-жылдық мерейтойын атап өтпек. Білімнің қарашаңырағы мұғалімдер институты ретінде құрылып, кейін педагогика институтына айналса, 1996 жылы классикалық университет болып қайта құрылды. 80 жыл ішінде еліміздің солтүстік аймағының жетекші білім беру, ғылыми және мәдени орталығы ретінде қалыптасты.
Кеше облыс әкімі Құмар Ақсақалов өңірімізге белгілі аға буын өкілдерімен кездесіп, келе жатқан Наурыз мерекесімен құттықтады.
