Мектеп оқушылары жаңа бағдарламалар бойынша оқи бастады. Жаңа стандартпен биылғы оқу жылында өңірдің 8 мыңға жуық 1-ші сынып оқушысы қамтылып отыр. Бұл туралы орталық коммуникациялар қызметінде өткен баспасөз мәслихатында облыстық білім басқармасының мамандары мәлімдеді. 4150 педагог арнайы курстардан өтті. Былтыр облыстық бюджеттен 100 млн. теңге бөлініп, 1 мыңнан астам компьютер мен 392 мультимедиалық құрал алынған. …
Аққайың аудандық ардагерлер ұйымының құрамында төрт мыңға жуық адам бар. Оның үшеуі екінші дүниежүзілік соғыстың ардагері болса, 454-і – тыл еңбеккері. Республикалық ардагерлер ұйымына 30 жыл толуына орай ұйымдастырылған салтанатты шарада Аққайың ауданының әкімі Дәурен Байтөлешов ауданның әлеуметтік-экономикалық дамуына лайықты үлес қосқан ардагерлер мен зейнеткерлерге Құрмет грамотасы мен Алғыс хаттарын табыстады.
“Аялаған Астана – 2017” V республикалық телевизиялық балалар байқауының ақтық кезеңінде облысымыздың атынан өнер көрсеткен Әмина Жапар Гран-при ұтып алды. Өнерлі өрен Халықаралық “Детская новая волна” балалар байқауында еліміздің намысын қорғайтын болады.
Облыстың тәртіп сақшылары бес күн ішінде қару-жарақты тіркеу, қайта тіркеу және сақтау ережерін бұзуға қатысты 95 фактіні анықтады. Сегіз адамның қарулары тәркіленіп, иелеріне айыппұл салынды. Олардың үшеуі тәртіп сақшыларын қаруын жоғалтқаны жайлы хабардар етпесе, бесеуі тұрғылықты мекенжайын өзгерткенін жасырған. Мағжан Жұмабаев ауданында жоғалған қарулардың бірін полиция қызметкерлері көл түбінен тапқан. Осы іске қатысы бар деген …
Солтүстік Қазақстан облысында “Севказэнергосбыт” ЖШС электр энергиясы бағасын – 3,8, “Солтүстік Энерго Орталық” – 5, “Горгаз-сервис” ЖШС тарифті 29,5 пайызға көтеруді жоспарлаған еді. Облыстық табиғи монополияларды реттеу және бәсекелестікті қорғау комитеті “Севказэнергосбыт” ЖШС және “Солтүстік Энерго Орталық” ЖШС қажетті материалдар мен есептерді әкелмегендіктен, ереженің 9 пунктіне сәйкес тарифті көтеруге қатысты өтінімді қараусыз қалдырғандығын хабарлады.
