Ғабит Мүсірепов атындағы ауданда Қазақстан халқы тілдерінің ХХ фестивалі аясында “Текті сөздің төресі – терме” деген атаумен алғаш рет облыстық жыршы-термешілер байқауы ұйымдастырылды. Петропавл қаласы мен аудандардан қатысқан он бір талапкер өткен ғасырларда өмір сүрген, қазақ өнерінің танымал тұлғаларына айналған ақын-жыршылардың шығармаларын орындап, Мәдениет үйіне жиналған көрермен қауымның қошеметіне бөленді.
Қазіргі заманғы медиа саласының маңызды мәселелерін талқылаған “Astana Media Week” форумы өткен аптадағы айшықты оқиғалардың бірі болды. Сарапшылар форумды Орталық Азия аумағындағы айтулы шара қатарына жатқызды. Қаламгерлер қауымының алқалы жиыны технологиялық медиакластер және салалық бизнес-орталық мүмкіндіктерін біріктіріп отырған “Қазмедиа” орталығында ұйымдастырылуы да форумның жоғары деңгейде өтуіне ықпал еткені даусыз.
Мемлекет басшысы Нұрсұлтан Назарбаев Түркістан облысына сапары барысында жаңа әкімшілік орталықты дамыту жобасымен танысты. Сондай-ақ, “Әзірет Сұлтан” тарихи-мәдени қорық-музейінің аумағында орналасқан Қожа Ахмет Яссауи кесенесін аралап көрді және өңірді әлеуметтік-экономикалық дамыту мәселелері жөнінде кеңес өткізді.
Елбасы Нұрсұлтан Назарбаев Душанбеде өткен Тәуелсіз мемлекеттер достастығына мүше елдер басшылары кеңесінің кезекті отырысына қатысты.
Мемлекеттік қызметшілер еңбекақысының факторлық-балдық жүйе бойынша тағайындалуы мемлекеттік қызметті тартымдырақ етіп, жұмыстан кетушілердің санын қысқартуға септігін тигізеді. Бірқатар мемлекеттік органдарда жүзеге асырылған қанатқақты жобалар нәтижесі осындай қорытындыға әкеліп отыр. Бұл жүйенің механизмдері мен алғашқы тәжірибе көрсеткіштері жайында өңірлік коммуникациялар қызметінде өткен баспасөз мәслихатында айтылды.
