Өткен демалыс күндері Мағжан Жұмабаев ауданында батырлығы алты алашқа аян атақты тұлғалардың бірі – Баян Қасаболатұлына арналған шара өтті. Сонымен қатар Булаево қаласында дене шынықтыру-сауықтыру кешені пайдалануға беріліп, нысан Абылай ханның сенімді серіктерінің бірі болған батыр Баянның есімімен аталды.
Үстіміздегі жылғы 20-21 қазан күндері Астана қаласында Солтүстік Қазақстан облысының ауыл шаруашылығы тауар өндірушілерінің жәрмеңкесі өтті. Жәрмеңкеге теріскейден 115 кәсіпорын қатысып, бас шаһардың тұрғындары мен қала қонақтарына ауыл шаруашылығы өнімдерінің 100-ден астам түрін ұсынды.
Ғабит Мүсірепов атындағы ауданда “Рухани жаңғыру” бағдарламасы аясында жыр жампозы Мағжан Жұмабаевтың ескерткіші ашылды.
