Ауыл шаруашылығы – ел экономикасының жетекші саласы. Астықты өңір – Қызылжарда бұл сала жақсы дамуда. Өйткені, еңбекқор азаматтарға мемлекет тарапынан қамқорлық пен қолдау ерекше. Соның нәтижесінде қазір ауыл шаруашылығы өркен жайып, елдің экономикасына пайдасын тигізуде.
Қазақстан мен Ресейді байланыстыратын факторлар өте көп. Тағдыр қос елді Жер шарында көрші қылып орналастырғандықтан, тату тұрмасқа қақымыз жоқ. Ежелден ауылымыз аралас, қойымыз қоралас жатыр. Қазақстан тәуелсіздік алғаннан кейін ынтымақтастығымыз жаңа деңгейде дами бастады. Орталық Азияның көшбасшысы ретінде Қазақстан қай салада болмасын толағай табыстарға жеткенін көріп отырмыз. Соның ішінде туризм мол пайда әкелетіні анық.
Ұшқан құстың қанаты талатын ұлан-байтақ Қазақстан жерінің әр пұшпағы қастерлі. Дарқан даламыздың асты-үсті толған қазына.
Қазақ халқы ежелден көрші елдермен тату болуға тырысқан. “Көршің тату болса, көңілің тоқ болар” демекші, бүгінде әлемдік сахнада өзіндік орны мен беделі қалыптасқан Қазақстан кез келген мемлекетпен ортақ тіл табысып, өзара ынтымақтаса әрекет етуді көздейді. Әсіресе, көрші елдермен қарымқатынасты нығайтып, тұрақты стратегиялық әріптестестікке басымдық беріп келеді.
Мемлекет басшысы Нұрсұлтан Назарбаевтың қолдауымен Қазақстанда туризмді дамытуға серпін беретін тың бастамалар қолға алынуда. Елбасы жыл сайынғы Жолдауларында да ішкі туризм еліміздің экономикасының негізгі тірегіне айналуы тиіс екенін айтуда.
Бүгінде көпшілік назары еліміздің солтүс-тігінде орналасқан көне шаһар – Петропавлға ауып отыр. Мұнда 8-9 қараша күндері Қазақ-стан Республикасының Президенті Нұрсұлтан Назарбаев пен Ресей Федерациясының Президенті Владимир Путиннің қатысуымен ХV өңіраралық ынтымақтастық форумы өтпек. Алқалы жиынның тақырыбы – “Қазақстан мен Ресей туризмін дамытудың жаңа жолдары мен үрдістері”.
