Soltüstık Казахстан
Тұңғыш Президент күні Петропавл қаласында “KazRoboSport – 2018” спорттық робототехника чемпионатының жабылу салтанаты өтіп, жеңімпаздар марапатталды.
16 өңірдің қатысушылары арасында Қарағанды облысының командасы үздік деп танылды. Екінші орынды Атырау, үшінші орынды Батыс Қазақстан облысының оқушылары иеленді. Елімізде осымен үшінші рет өткізіліп отырған сайыстың жеңімпаздарын облыс әкімінің орынбасары Мадияр Қожахмет құттықтап, дипломдар мен естелік сыйлықтар табыс етті.
Айта кету керек, биылғы чемпионатқа алғаш рет көршілес елдердің жас робот жасаушылары да қатысып, қаламыздың қонағы болып қайтты. Сондай-ақ, “ҚазРоботикс” фестивалі аясында робототехниканы дамыту мәселелері қозғалған “дөңгелек үстел”, семинарлар да ұйымдастырылды. Мектепке дейінгі робототехника мен құрал-жабдықтар көрмесі алғаш рет өтті.
Зәуреш АСЫЛБЕКОВА, “Soltústіk Qazaqstan”.