Soltüstık Казахстан
Қоғам дамуының алғышарты – адамның білімі мен біліктілігіне тікелей байланысты екенін ескерсек, біздің оқуымызға, ғылыммен айналысуымызға мемлекет тарапынан барлық мүмкіндіктер жасалуда. Өйткені, жастар – ғылыми-техникалық және экономикалық прогрестің негізгі қозғаушы күші, қоғамның жемісті дамуының кепілі.
Еліміздің болашағы біз сияқты жастардың қолында екенін айтып намысымызды оятып, рухымызды қайраған аға ұрпақ бізге әрқашан сенім артады. Сондықтан біздер ол сенімді ақтауға тырысуымыз қажет.
Жыл сайын еліміздің жоғары оқу орындарына бөлінетін мемлекеттік гранттарды айтпағанда, “Болашақ” бағдарламасы бойынша шетелде білім алып, еліміздің өркендеуіне үлесін қосып отырған замандастарымның қатары аз емес. Мен сияқты жастарға ауылда жұмыс істеуге мүмкіндік берген “Дипломмен – ауылға!” бағдарламасының тиімді тұстарын тілге тиек еткім келеді. Осы бағдарлама бойынша Ғабит Мүсірепов атындағы ауданның Пески орта мектебіне жұмысқа орналасып, жас маман ретінде баспаналы болдым.
Жарым Гүлмира екеуміз білім беру саласында қызмет етіп, жеткіншектерді тәрбиелеу ісіне өзіміздің үлесімізді қосып отырғанымызға дән ризамыз.
Нұрсұлтан ШОНАШЕВ, Пески орта мектебінің мұғалімі. Ғабит Мүсірепов атындағы аудан.