Soltüstık Казахстан
Qorǵanys mınıstrliginiń kadr jáne áskerı bilim departamentiniń bólim bastyǵy, polkovnık Talǵat Qasenov oblys ortalyǵyndaǵy №40 orta mektebinde oqýshylarmen kezdesti.
Oblystyq qorǵanys isteri jónindegi departament uıymdastyrǵan sharada Talǵat Amanbaıuly Petropavl qalasynyń 200-ge jýyq oqýshysy úshin kásibı-baǵdarlyq jumys júrgizdi. Ofıser áskerı qyzmettiń ımıdji jaıly áńgime qozǵap, jetkinshekterdi otansúıgishtikke baýlýdyń mańyzdy ekenin aıtty. Shara barysynda alǵashqy áskerı daıarlyq pániniń 26 muǵalimi elimizdiń áskerı oqý oryndaryna túsý talaptaryn túsindirdi.
Sondaı-aq, dál osyndaı kezdesý qalalyq Mádenıet úıinde jalǵasyn tapty. Oǵan shahardaǵy bes kolledjdiń stýdentteri qatysyp, Qorǵanys mınıstrliginiń áskerı oqý oryndary týraly beınerolıkterdi tamashalady.
Aıman ÁBJAPBAROVA, oblystyq qorǵanys isteri jónindegi departamenti baspasóz qyzmetiniń basshysy.