Soltüstık Казахстан
Bilim berý salasyndaǵy ádistemelik jumystar jáne aqparattyq tehnologııalar ortalyǵynyń muryndyq bolýymen N.K.Krýpskaıa atyndaǵy №10 orta mektepte “Patrıotızm jáne joǵary azamattyq ustanymdy qalyptastyrý” taqyrybynda oblystyq semınar ótti.
Semınarda atalmysh oqý ordasynda “Men – elimniń patrıotymyn” atty joba sheńberinde tárbıe isi jańa ádis boıynsha júrgizilip jatqany aıtyldy. Bilim ordasynyń kóp jylǵy tájirıbesi men dástúrin eskere otyryp ázirlengen baǵdarlama qoǵamnyń áleýmettik belsendi azamattaryn, ulttyq sana-sezimi men quqyqtyq jaýapkershiligi joǵary urpaqty tárbıeleýge baǵyttalǵan. 2018-2019 oqý jyldarynda qoǵamdyq sanany jańǵyrtýdy júzege asyrý aıasynda mektepterde “О́lketaný” kýrsy engizilgeni belgili. Bul baǵyt boıynsha da muǵalimder sabaqtan tys ýaqytta elimizdiń, sonymen qatar týǵan ólke tarıhyn jan-jaqty zertteýge arnalǵan tárbıe saǵattaryn ótkizedi. Mektepte “Tárbıe jáne bilim”, “Rýhanı jańǵyrý” degen taqyrypta ólketaný materıaldary ázirlengen.
Gúlbıke KÝBENOVA, “Soltustik Qazaqstan”.