Ańshylyq maýsymynyń bekitilgen kestesine sáıkes ústimizdegi jyldyń 1 qańtarynan bastap borsyq, qaban, bulan jáne elikke ańshylyq jasaýǵa tyıym salynady. Túlki, qarsaq jáne qoıandardy 15 aqpanǵa deıin aýlaýǵa ruqsat etiledi. Osy oraıda, orman kúzeti qyzmetkerleri janýarlar álemin qorǵaý maqsatynda tuıaqty janýarlarǵa azyq bolyp tabylatyn bir myń dana qorektik sypyrǵyshtar ázirledi.
Orman sharýashylyǵynyń qyzmetkerleri ózen-kólderdegi balyqtardyń jaǵdaıyn da nazarda ustaıdy. Eldi mekenderge jaqyn ornalasqan qosymsha qordaǵy sý qoımalarynda balyqtardyń qyrylyp qalýynyń aldyn alý maqsatynda qatqan muzda shuńqyrlar oıý, maına shabý jáne sorǵyshpen sý sorý sııaqty melıoratıvtik sharalar júrgizildi.
Qarabaı ESENOV, Presnov orman sharýashylyǵynyń qoryqshysy.
Jambyl aýdany.