Soltüstık Казахстан
Petropavl qalasyndaǵy “ES-164/3″ mekemesiniń aýmaǵynda ornalasqan kásiptik kolledjde “Úzdik tas qalaýshy” atty kásibı sheberlik saıysy ótti. Oǵan kolledjdiń №3 jáne №6 oqý tobynyń ókilderinen jasaqtalǵan eki komanda qatysty.
Baıqaýdyń maqsaty – temir tordyń arǵy jaǵynda jazasyn óteýshilerdiń arasynan úzdik tas qalaýshyny anyqtaý, qatysýshylardyń teorııalyq bilimi men tájirıbelik daǵdysyn baǵalaý, eńbek naryǵynda suranysqa ıe jumysshy mamandyǵynyń mártebesin arttyrý.
Jarystyń birinshi kezeńinde qatysýshylar test suraqtaryna jaýap berip, sózder jıyntyǵynan qural-saımandar ataýyn qurastyrý boıynsha “Sóz-qurastyrǵysh” tapsyrmalaryn oryndady. Ekinshi kezeńdegi tájirıbelik tapsyrmada komandalar kirpish qalap, jyldamdyq pen sapa boıynsha synǵa tústi.
Qazylar alqasynyń ókilderi bolsa, qatysýshylardyń kásibı biliktilikteri men sheberlikterin, jumys isteý daǵdylaryn baǵalady. Jarystyń qorytyndysyna sáıkes Sergeı Gıdrovıch jeńiske jetip, “Eń úzdik tas qalaýshy” atandy. Aleksandr Bogýnov ekinshi, al Artýr Gontar úshinshi oryndy ıelendi.
Saıys sońynda oblystyq qylmystyqatqarý júıesi departamentiniń bólim bastyǵy, ádilet aǵa leıtenanty Aqylbek Jumaǵulov jeńimpazdarǵa Alǵys hat tabystady.
Dáýletjan SÁBITOV, Petropavl kásiptik kolledjiniń óndiristik oqytý sheberi.