Soltüstık Казахстан
Áleýmettik jaǵynan az qamtylǵan, kópbalaly otbasylardan shyqqan jáne ata-ana qaraýynsyz qalǵan jetim balalarǵa qoldaý kórsetý maqsatynda qańtar aıynda el boıynsha bir aılyq aksııa uıymdastyryldy.
Aksııa aıasynda oblystyq máslıhattyń depýtaty Vasılıı Mantarıdıdiń qoldaýymen Ǵabıt Músirepov atyndaǵy aýdannyń Konstantınovka orta mektebinde az qamtylǵan 15 otbasynyń balalaryna kómek kórsetildi. Balǵyndar jyly kıim-keshekpen jáne keńse taýarlarymen qamtamasyz etildi. Sondaı-aq, aýdandaǵy pedagogtar kópbalaly otbasylardyń turmystyq jaǵdaıyn tekserip, áleýmettik járdemaqyny rásimdeý boıynsha jas otbasylarmen áńgimelesti.
Dırektory Aıman Asanova bastaǵan Tımırıazev mektep-ınternatynyń ujymy da qaıyrymdylyq aksııasynan tys qalmady. Oqýshylar jármeńke uıymdastyryp, jınalǵan aqshaǵa eki oqýshyǵa kóktemgi syrt kıim men aıaq-kıim, tórt balaǵa mektepke qajetti kıim-keshek jáne on oqýshyǵa qural-jabdyqtar syıǵa tartty.
Zýrásh AHMETOVA, oblystyq máslıhattyń baspasóz hatshysy.
Sýret ınternetten alyndy.