Soltüstık Казахстан
Францияның әйгілі “L`Eduipe” басылымы Еуропаның ең үздік бес чемпионатында өнер көрсететіндер арасында жалақысы ең көп футболшылардың тізімін жариялады. Бұл көшті – Лионель Месси бастап тұр. Испанияның “Барселона” клубының жұлдызы айына 8,3 миллион еуро табыс табады екен.
Екінші орында – Криштиану Роналду. Италияның “Ювентусының” сұрмергені 4,7 миллионды қалтаға басады. Үшінші орында – Антуан Гризманн. Мадридтік “Атлетико” командасы ойыншысының жалақысы – 3,3 миллион. Сондай-ақ, “ТОП-10” футболшының тізіміне Неймар (“ПСЖ” – 3,06 млн.), Луис Суарес (“Барселона” – 2,9 млн.), Гарет Бейл (“Реал” – 2,5 млн.), Филиппе Коутиньо (“Барселона” – 2,3 млн.), Алексис Санчес (“Манчестер Юнайтед” – 2,28 млн.), Килиан Мбаппе (“ПСЖ” – 1,73 млн.) және Месут Озил (“Арсенал” – 1,6 млн.) кіреді.