Шал ақын ауданындағы Ступинка ауылында тұрғын үй отқа оранып, көп балалы отбасы баспанасыз қалды.
Сергеевка қаласынан 20 шақырым қашықтықта орналасқан елді мекендегі төтенше жағдай туралы хабар аудандық №20-өрт сөндіру бөліміне түнгі 3 сағат 43 минутта келіп түсті. Бөлімнің жеке құрамы “Алтын Астық KZ” жауапкершілігі шектеулі серіктестігінің еріктілерімен бірлесіп, тілсіз жауды 6 сағат 19 минутта ауыздықтады. Дегенмен, жалпы ауданы 90 шаршы метр аумақты шарпыған өрттің салдарынан үй толық жанып кетті.
37 жастағы әйел 4 баласын отқа оранған үйден шығарып үлгерген. Түрлі дене жарақатын алған 4-12 жас аралығындағы балаларға аудандық орталық аурухананың дәрігерлері медициналық көмек көрсетті. Бұл уақытта үйдің отағасы үлкен қызымен бірге басқа қалада болған.