Soltüstık Казахстан
Солтүстікқазақстандық прокурорлардың араласуымен ел аумағында есірткі саудалап келген сайт жабылды. Облыстық прокуратураның баспасөз қызметінің хабарлауынша, мониторинг барысында республика аумағында еш кедергісіз жұмыс істеп келген сайтты анықтаған.
Сайтқа кірушілерге «спайс», «амфетамин», «гаш», «мефедрон» сияқты есірткінің көптеген түрлерін сатып алу ұсынылған. «Bitcoin», «Litecoin», «Payeer» немесе «Qiwi» интернет-әмияны арқылы есеп айырысқаннан кейін сатып алушыға есірткінің қайда жасырылғаны айтылады. Ал, бұл сайтты жарнамалаған сілтемелер Петропавл қаласындағы кей ғимараттардың қабырғаларынан табылды. Сайттың жұмысын заңсыз деп тауып, ел аумағындағы қызметін тоқтатып, олардың өнімдерінің таралуына жол бермеу үшін облыстық прокуратура Петропавл қалалық сотына арызданды. Ақпанның 7-сі күні олардың арызы толығымен қанағаттандырылды.