Өңірлік коммуникациялар қызметінде Ұлыстың ұлы күні – Наурыз мейрамына дайындық шаралары баяндалды. Отырыста облыстық ішкі саясат басқармасының басшысы Әсем Рахметова хабарлама жасады.
– Халқымыздың дәстүрі бойынша Наурыз мейрамы Амал мерекесі мен Көрісуден басталады, -деді ол.
Ал облыстық мәдениет басқармасы басшысының міндетін атқарушы Досбол Әбдірейісовтің айтуынша, Ұлыстың ұлы күнінде Ресей Федерациясынан келетін қонақтардың қатысуымен Петропавл қаласында қолөнер шеберлерінің көрмесі өтеді.
Облыстық ардагерлер кеңесі төрағасының орынбасары Жангелді Тәжин молшылық пен жаңару мейрамының тарихына тоқталып, оның маңызы туралы айтты.