Soltüstık Казахстан
Kyzylzhar_akparat@mail.ru
Қызылжар өңірінде «Зорлық-зомбылықсыз үй» акциясы жүргізілді. Оның барысында тәртіп сақшылары арнайы профилактикалық есепке алынған 120-дан астам отбасын аралап, олардың жағдайымен танысты. Ішімдікке әуес, отбасының шырқын алушылар бұл жолы да табылып, 20 шақтысына әкімшілік хаттама толтырылды. Олар ескертуді елемесе, келесі жолы жауапқа тартылады. Мамандардың айтуынша, отбасында жәбірлегендердің көпшілігі өзінің жағдайы туралы жария еткілері келмейді. «Әй» дер әже, «қой» дер қожа болмағандықтан зорлық-зомбылық жалғаса береді. Сондықтан тәртіп сақшылары қоғамдық орындарда, білім ошақтарында дәріс оқып, әңгімелер жүргізді.