Soltüstık Казахстан
Сәбит Мұқанов атындағы облыстық ғылыми-әмбебап кітапханада Дүниежүзілік поэзия күніне орай фестиваль өтті. Оның барысында 38 жас ақынның шығармашылығы бағаланды. Нәтижесінде 16 жасқа дейінгі аталымда “Притча о путнике” туындысымен петропавлдық Ангелина Куренкова топ жарды. Кеш барысында оқырмандардың дауыс беруі бойынша жеңімпаз атанған қаламгер де жырдан шашу шашты. Ал Илья Филин блюз және рок түрінде жазылған әндерімен тыңдармандардың сүйіспеншілігіне бөленді. “Доминанта” би студиясы мен әнші Светлана Коваленко фестивальге арнайы шақырылып, өнер көрсетті.
Михаил Аверин атындағы облыстық әдеби бірлестіктің төрағасы Кирилл Филонов пен ақын Марал Оспанова өңірімізде алғаш рет ұйымдастырылған шараны жыл сайын өткізу жөніндегі ұсыныстарын білдірді.