Soltüstık Казахстан
Солтүстік Қазақстан облысының әкімі Құмар Ақсақалов Facebook әлеуметтік желісінде жеке парақшасын ашты.
«Құрметті достар, қазіргі таңда әлеуметтік желілер өміріміздің ажырамас бөлігіне айналды. Әсіресе, Facebook жариялылық пен ашықтық саясатының нышаны іспетті. Атқарушы билік пен халық арасында көпір орнатқан таптырмас желі. Осының барлығын ескере отыра, мен Facebook әлеуметтік желісінде жеке парақшамды ашуды ұйғардым. Жеке парақшамда Солтүстік Қазақстан облысының өміріндегі тың жаңалықтармен, өңіріміздің дамуына қатысты өз ойларыммен бөлісемін. Аймақтың дамуы мен тұрғындардың әл-ауқатын жақсартуға қатысты ұсыныстарыңыз бен ескертулеріңіз болса жаза отырыңыздар. Менің парақшам ашық диалог алаңына айналуы тиіс», – деді Құмар Ақсақалов Фейсбуктегі бірінші жазбасында.