Soltüstık Казахстан
“Jastar jylyna” oraı Ǵabıt Músirepov atyndaǵy aýdannyń ishki saıasat bóliminiń uıymdastyrýymen Novoıshımkada “Jas kelinder” baıqaýy ótti.
Saıysqa qatysýǵa alty kelinshek nıet bildirdi. Ortaǵa shyqqan Efımovka aýylynyń kelini Shaıda Yqylas, Qaraǵash aýylynan kelgen Aınur Jetpisova, novoıshımdik Botagóz Baıbýsınova jáne Mahabbat Ábýova, Sarybulaq aýylynyń kelini Ajar Jumasheva, muqyrlyq Mahabbat Alhatova aldymen ózderin tanystyrdy.
Baıqaý tórt kezeńnen turdy. “Ulttyq kıim baıqaýynda” jas kelinder ulttyq kıimderin kórermen nazaryna usyndy. “Qazaqtyń ulttyq oıý-órnegi” atty tapsyrmaǵa sáıkes jas kelinder kópshiliktiń kózinshe óz qoldarymen oıǵan oıý-órnegin kórsetti. “Sheber kelin” kezeńinde jas kelinder jún tútip, jip ıirdi. Al “О́nerli kelin” shartyna oraı qatysýshylar óz ónerlerin ortaǵa salyp, biri mýzykalyq aspapta oınap, biri bı bılep, án aıtyp, óleń oqydy.
Osylaısha, tartymdy da tartysty ótken saıystyń nátıjesinde top jarǵan Muqyr aýylynyń kelini Mahabbat Alhatova bas júldeni jeńip aldy. Al ekinshi oryn Efımovka aýylynan kelgen Shaıda Yqylasqa buıyrdy. Úshinshi oryndy Qaraǵash aýylynyń ókili Aınur Jetpisova ıelendi. Barlyq qatysýshylar gramotalarmen, baǵaly syılyqtarmen marapattaldy.
Saǵynysh QASYMTAIQYZY.