Soltüstık Казахстан
Jastar saraıynda estý qabileti nashar balalarǵa arnalǵan oblystyq arnaıy mektep-ınternat janynan qurylǵan “Sensitive” sporttyq jáne baldyq bı ansambliniń “Dyshý tıshınoı” atty qaıyrymdylyq konserti ótti.
Ólga Rostovshıkova jetekshilik etetin atalmysh bı ansambli respýblıkamyzda ǵana emes, sonymen qatar Reseı, Bolgarıa, Italıa, Ispanıa, Birikken Arab Ámirligi elderinde ótken saıystarda top jarǵan. Bolgarıanyń Nesebr qalasynda uıymdastyrylǵan “Solnechnyı tanes” atty halyqaralyq festıválda 1-oryn ıelense, Máskeýdegi kezekti halyqaralyq bı saıysynda da jeńimpaz atandy. Talapty jastardan qurylǵan bı ansambliniń budan da basqa jetistikteri az emes.
Óner ujymynyń 13 jyldyǵyna oraı uıymdastyrylǵan konsertte óńirimizdegi bı óneriniń órkendeýine ólsheýsiz úles qosyp júrgen ansámbl músheleri kórermenge rýmba, tvıst, baıaý fokstrot, baıaý bal bıi sekildi túrli janrdaǵy týyndylardy tartý etti. Konsertte, sondaı-aq, “Melomıks”, “Araı”, “Chernyı brıllıant” syndy óńirimizge belgili toptar óner kórsetti.
Alına NURTAZINA, “Soltústik Qazaqstan”.