Soltüstık Казахстан
Солтүстікқазақстандық мұғалімдер Қазақстан педагогикалық ғылымдар академиясының ұйымдастыруымен өткен VIІІ республикалық “Үздік ұстаз” тәуелсіз қоғамдық байқауында жеңімпаз атанды.
Педагогикалық қызметте жоғары нәтиже көрсеткен мұғалімдерді анықтап, олардың озық тәжірибелерін тарату, кәсіби шеберліктерін арттыруға қолдау көрсету мақсатында ұйымдастырылған байқауда Нұр-Сұлтан, Алматы, Шымкент қалалары мен барлық өңірлердің ұстаздары, университет, колледж оқытушылары бақтарын сынады.
Қорытындысында М.Жұмабаев атындағы гуманитарлық колледж жанындағы лицейдің қазақ тілі мен әдебиеті пәндерінің мұғалімі Бақыт Жүзен, Уәлиханов ауыл шаруашылығы колледжінің оқытушылары Күлбағиса Хабибуллова мен Жанарбек Мәжитов үздік деп танылды. Жеңімпаздарға “Үздік ұстаз” төсбелгісі, куәлік және арнайы сертификат табыс етіліп, жетістіктері жазылған электронды жинақ сыйға тартылды. Олар туралы мағлұмат академия сайтындағы “Үздік ұстаз” бөлімінде орналастырылды.
“Қызылжар-Ақпарат”.