Soltüstık Казахстан
Солтүстік Қазақстан өңірінің құқыққорғаушылары «Жезқазған-Петропавл» тас жолында әйел адамның көлігінен 80 келі есірткі тапты.
«Солтүстік Қазақстан облысының есірткіге қарсы күрес полициясы «Жезқазған-Петропавл» тас жолында жедел-іздестіру шараларын жүргізді. Оның барысында құқыққорғаушылар Т. деген азаматшаның «NISSAN» маркалы автокөлігін тоқтатты. Онда Т. деген жолаушы азамат отырған. Автокөлікті тексеру барысында, жүксалғышынан салмағы 80 келіден асатын марихуана салынған 4 полиэтилен қап және салмағы 88 грамдық гашиш салынған 4 орама табылып, тәркіленді», – делінген ҚР Ішкі істер министрлігі Есірткі бизнесіне қарсы күрес департаментінің хабарламасында. Ұсталған азамат рөлдегі әйелге Солтүстік Қазақстан облысынан бірнеше сөмкені өз үйіне жеткізіп беруге өтініш білдіріпті. Қазіргі уақытта аталмыш факті бойынша ҚР Қылмыстық кодексінің 297-бабы 3-тармағына сәйкес сотқа дейінгі тергеу амалдары жүргізіліп жатыр. Ұсталған азамат уақытша ұстау абақтысына қамалды.
www.inform.kz