Soltüstık Казахстан
Астана және Қазақстан мирополиты Александр “Қызылжар” орталық мешітінің бас имамы Кенжетай қажы Байкемелұлымен кездесіп, мұсылман қауымын Құрбан айт мерекесімен құттықтады. «Бұл мереке мейірімділік пен бақ-берекенің символы саналады. Осы күні ескі өкпе-реніш ұмытылып, мұқтаж жандарға көмек көрсетіліп, дұға оқылатынын білемін», – деді митрополит Александр.
Сондай-ақ, ол Құрбан айттың мемлекетіміздің этносаралық және конфессияаралық келісімді нығайту жолында үлкен маңызға ие екендігін, Қазақстанның бірлік пен бейбітшіліктің арқасында ғана жаңа табыстарға қол жеткізетінін айтты.”Біз бірлігіміздің арқасында экономикада және халқымыздың әл-ауқатын арттыру ісінде зор жетістікке жеттік. Қазір барша қазақстандықтар достықты, татулықты ең үлкен байлығы ретінде көреді, сол үшін сіздерге ризамын. Біз достық пен өзара түсіністікті, бір-бірімізге деген сенімді нығайтуға бағытталған шараларды жалғастыратын боламыз. Осындай бастамамамен ғана алға ілгерілеп, болашақ ұрпақтың жайлы өмір сүруіне қолайлы жағдай жасай аламыз”, – деді Александр.
Кездесу барысында мейман мешіт ішін аралап көрді.