Soltüstık Казахстан
Биыл магистратураға түсуге арналған кешенді тестілеуді М.Қозыбаев атындағы СҚМУ-де тапсыруға 336 талапкер өтініш білдірген. Олар 10-14 тамыз аралығында білімдерін сынады.
Тестілеу тапсырған аудиториялар дыбыстық және бейнекамералармен жабдықталған. Емтиханды әділ өткізу үшін металл детекторлары мен ұялы сигналдарды басатын құралдар да қолданылды. Сонымен қатар Білім және ғылым министрлігінің және «Қызылжар – адалдық алаңы» жобалық кеңсесінің өкілдері тестілеуді онлайн бақылады.
Университеттің қабылдау комиссиясы жауапты хатшысының орынбасары Алмас Кенжеғалиннің айтуынша, өтініш білдіргендердің 19-ы түрлі себептермен тестілеуге келмепті. Кешенді тестілеудің талаптарын бұзғаны үшін 17 үміткер аудиториядан шығарылып, нәтижелері жойылды. 5 лек бойынша тапсырған тестілеудің қорытындысында 27 талапкер 100-ден жоғары, ал 138-і 75-тен жоғары ұпай жинады.Облыс бойынша орташа ұпай – 75. 75-тен жоғары, ағылшын пәнінен – 25, қалған пәндердер 7 ұпайдан артық жинаған талапкерлер 17 тамыздан бастап грантқа түсуге өтініш білдіре алады.
Сурет https://findhow.org сайтынан алынды.