Soltüstık Казахстан
Оқушылар сарайында “Асар” форумы өтуде. Форум барысында “Солтүстік Қазақстан облысының” үздік әлеуметтік жобалары” байқауының жеңімпаздары марапатталады.
Облыстық ішкі саясат басқармасының қолдауымен ұйымдастырылған байқауға 17 үміткер қатысып, тек бес жоба үздік деп танылған. Соның ішінде Сәлімхан Сәбитов, Антон Шишканов сияқты белсенді жастар бар.
– Елімізде соңғы жылдары жаңа жобалар жүзеге асырылуда. Соның бірі – “Асар” форумы. Бұл шара биыл үшінші жыл ұйымдастырылып отыр. Шараның басты мақсаты – үкіметтік емес ұйымдарды бизнеспен және мемлекеттік органдармен байланыстыру, – деді облыстық ішкі саясат басқармасының басшысы Әсем Рахметова. Жеңімпаздар тамыз айының соңында Павлодар қаласында өтетін республикалық байқауға жолдама алады.