День: 16.08.2019

Өңір шаруалары ірі қараны асылдандырып, өнімділікті арттыру мақсатында алыс-жақын шет елдерден малдың жаңа тұқымдарын әкелуде. Сондай агроқұрылымдардың бірі – Айыртау ауданындағы «Бабық–Бұрлық» ЖШС-і.

Облыста “Жолда қабылдау” акциясы бастау алды. Шараның алғашқы күні облыстық полиция департаментінің бастығы, полиция полковнигі Марат Төлебаев пен өңірлік сыбайлас жемқорлыққа қарсы іс-қимыл департаменті бастығының бірінші орынбасары Нұрлан Жахин азаматтарды қабылдап, мәселелеріне құлақ түруде. Бұл күні Петропавл қаласындағы 49 аулада қабылдау шаралары ұйымдастырылды.

Спорт күніне орай Петропавлдағы Спорт сарайында салтанатты жиын өтті. Оған өңіріміздің белгілі спортшылары, жаттықтырушылары мен осы саланың ардагерлері жиналды.

Петропавл қаласындағы Спорт сарайында жергілікті “Құлагер” хоккей клубының әкімшілігі жанкүйерлерге команданың жаңарған құрамын таныстырды.

Облыс орталығындағы білім беру мекемелері жанында 200-ден астам үйірме жұмыс істейді. Оған жыл сайын үш мыңға жуық жасөспірім барады екен. Биылғы жаңа оқу жылында үйірмелердің санын көбейту жоспарланып отыр.

Қазақстан халқы облыстық Ассамблеясы Конституция күніне орай өңірлік “Salt-dástúr” этномәдени фестивалін өткізуді жоспарлауда. Орталық коммуникациялар қызметі өңірлік филиалында өткен кезекті баспасөз мәслихатында фестивальге дайындық барысы жайлы айтылды.

М.Қозыбаев атындағы СҚМУ-дің студенттері Роман Гиричев пен Нұрсейіт Әбдіразақов “Жасыл арктика” атты экологиялық экспедициядан оралды. Олар Ресей Федерациясы аумағында орналасқан Вилькицкий және Белый аралдарын қоқыстан тазартуға көмектескен.

Сыбайлас жемқорлыққа нөлдік төзімділік – бірлік пен тұрақтылықтың кепілі. Бұл тақырып Қазақстан халқы облыстық Ассамблеясы және сыбайлас жемқорлыққа қарсы іс-қимыл агенттігі Солтүстік Қазақстан облысы бойынша департаментінің өкілдерінің қатысуымен өткен кездесу барысында талқыланды.

Биыл мемлекеттік кірістер органдарының құрылғанына бес жол толды. 2014 жылы  салық, кедендік бақылау,  мемлекеттік кірістер комитетінің  бірігуі нәтижесінде қайта құрылған бұл органның  атқаратын қызметі орасан зор. Тәуелсіз еліміздің жарқын болашағы үшін ұшан-теңіз еңбек сіңіріп келе жатқан мемлекеттік кірістер  органы қызметкерлерін кәсіби мерекелерімен  облыс әкімі Құмар Ақсақаловтың атынан  бірінші  орынбасары Марат Тасмағанбетов құттықтады. 

Ресейдің Пермь қаласынан шыққан саяхатшы, жиһанкез Андрей Тюлькин Петропавл қаласына келді. Тамыздың 2-сі күні саяхатын туған шаһарынан бастаған ол осыған дейін велосипедпен Ресей Федерациясының бірнеше қаласын аралап, 1000-нан астам шақырым жол жүріп өтті.

Он күн бұрын із-түзсіз жоғалып кеткен Петропавл қаласының тұрғыны Руслан Моисеенко аман-сау үйіне оралды.