Soltüstık Казахстан
“Өрт сөндіру және апаттық-құтқару жұмыстары қызметі” мемлекеттік мекемесінде “Үздік қарауыл бастығы (аға инженер)” байқауы өткізілді.
Дода барысында қатысушылардың өрт сөндіру-құтқару және дене шынықтыру дайындығы бойынша нормативтерді орындау, еңбекті қорғау жөніндегі нормативтік-құқықтық актілерді және қауіпсіздік техникасы талаптарын білу деңгейлері тексерілді.
Бұл шараның нәтижесінде Петропавл қаласындағы №1 мамандандырылған өрт сөндіру бөлімшесінің аға инженері Руслан Қайырденов “2019 жылдың үздік қарауыл бастығы” атанды. Ал Жамбыл ауданына қарасты Пресновка ауылындағы №11 ӨСБ-нің қарауыл бастығы Сайран Хамзин мен оның облыс орталығындағы №3 ӨСБ-ндегі әріптесі Никита Марохалюк екінші және үшінші орындарға лайық деп танылды.
Жеңімпаздар мен жүлдегерлерге грамоталар және бағалы сыйлықтар табыс етілді.