Soltüstık Казахстан
Петропавл қаласының тұрғыны Әлішер Хамзин түрлі темір қалдықтарынан кәдесый жасайды. Шебер өз еңбектерінде кинофильмдердің кейіпкерлерін, спортшылар мен түрлі мамандық иелерін бейнелейді екен.
– Темірден жасалған кәдесый ойымдағыдай шыққан соң, табыс көзіне айналдыруды шештім. “Биснес Бастау” бағдарламасы бойынша оқу курсынан өтіп, шағын шеберхана аштым. Жанымда екі көмекшім бар. Айналысқаныма жарты жылдай уақыт болды, – деді қолөнер шебері. Әлішер Хамзиннің айтуынша, темірден жасалатын кәдесыйға сұраныс көп. Ол әр туындыны асқан шеберлікпен жасайды. Кез келген бұйым шығармашылықты қажет ететінін жеткізген шебер алдымен тот басқан темірді тазартатынын, кейін оны балқытып, әрлейтіндерін айтты. Болашақта саз балшықтан, шыныдан, ағаштан түрлі сыйлықтар жасауды жоспарлап отыр.
http://petropavltv.kz