Soltüstık Казахстан
Бір ай бұрын өңірімізге Түркістан облысының Арыс қаласынан демалуға келген 47 бала Петропавл қаласында қорытынды экскурсия жасады. “Алтын күз” лагерінде дем алған оқушылар “Green Park” саябағында болды.
Біздің саябақта осындай қайырымдылық шаралары жиі ұйымдастырылып тұрады. Балалар бассейнде шомылып, велосипедпен серуендеді, – деді “Green Park” отбасылық парк-отелінің бас директоры Максим Калинин. Ал кішкентай қонақтарды құшақ жая қарсы алған саябақ мамандарына балалар дән риза. Демалыстың соңғы күнін қызықты өткізген балалардың қуанышын айтып жеткізу мүмкін емес.
– Петропавл қаласы бізге ұнады. Бұл жақтың табиғаты өте керемет, ауасы таза екен. Біз көп жерге барып қыдырдық. Жазғы демалысымыз жақсы өтті, – деді Нұрсұлу Ерсімбек.
Экскурсия барысында ертегі кейіпкерлері балалардың көңілін көтеріп, ерекше қуаныш сыйлады. Кейін балғындарға тегін балмұздақ үлестірілді.