Soltüstık Казахстан
Қазақстан мұсылмандары діни басқармасының облысымыздағы өкілдігі, «Қызылжар» орталық мешіті «Мектепке жол» республикалық акциясына атсалысты. Бұл игі шара барысында өкілдікке қарасты мешіттердің ұжымы, жамағат және жомарт жерлес кәсіпкерлеріміз толық емес және әлеуметтік аз қамтылған отбасыларда тұратын 60-қа жуық балаға мектепке қажетті жабдықтар мен киім-кешек тарту етіп, оларды қуанышқа кенелтті.
– Өңіріміздегі барлық мешіттерде «Мектепке жол» республикалық акциясы өткізілуде. Биыл 1 миллион теңгеге жуық қаржы жиналды. Жергілікті жамағат пен кең пейілді жандар балғындарды мектепке арналған киіммен, құралдармен және аяқ киіммен қамтамасыз етуде қолдау көрсеткенін айта кету қажет, – деді «Қызылжар» орталық мешітінің бас имамы Кенжетай қажы Байкемелұлы.
Акция қыркүйек айына дейін жалғасады.
Сурет https://www.muftyat.kz сайтынан алынды.