Soltüstık Казахстан
Оқу орнына құжаттарын әлі тапсырып үлгермеген мектеп түлектерінің тегін мамандық алып шығуға мүмкіндіктері бар. Мәселен, Петропавлдағы гуманитарлық-техникалық колледж нарықта сұранысқа ие мамандықтар бойынша абитуриенттерді қабылдауда.
Бүгінгі таңда түлектердің көпшілігі бюджеттік негізде білім алуды қалайды. Дегенмен, бұл оқу орындарына бөлінетін гаранттардың санына тікелей байланысты. Бұл орайда облыстағы кейбір кәсіптік білім ордалары студенттерге бірнеше мамандық бойынша гранттар ұсынуда. Талапкерлердің құрылысшы, есепші, бағдарламашы, есеп және аудит, туризм, көлік жөндеу, маркетинг сияқты көптеген мамандықты тегін меңгеру мүмкіндігі бар. Биыл гуманитарлық-техникалық колледж аталған мамандықтар бойынша 265 студентті бюджеттік негізде оқуға қабылдауға дайын.
– Қазір үміткерлер жан-жақтан ағылуда. Біз талапкерлерді 27 тамызға дейін қабылдаймыз. Оқуға түсу емтихандары басталып кетті. Студенттер дайындық курстарынан өтуде. Орыс тілі, математика пәндері бойынша өтетін тестілеу сұрақтарын оқу ордасының оқытушылары мектеп бағдарламасы аясында құрастырды, – деді қабылдау комиссиясының жауапты хатшысы Стелла Блюм.