Soltüstık Казахстан
Тәртіп сақшылары көп балалы және аз қамтылған отбасылардан шыққан оқушыларды мектепке дайындауға көмектесуде. Облыстық полиция департаментінің жергілікті полиция қызметі патрульдік полиция батальонының қызметкерлері үш отбасыға барды.
Батальон командирінің орынбасары полиция капитаны Рүстем Есбердинов пен батальонның аға инспекторы полиция аға лейтенанты Манарбек Молдабековті Ольга Дорогаева ерекше көңіл-күймен қарсы алды. Оның бес баласы бар. Олардың төртеуі – оқушылар. Балаларды жаңа оқу жылына дайындау жалғыз басты ана үшін оңай емес. Балалар тәртіп сақшылары әкелген скеңсе тауарлары, мектеп формасы, аяқ қиім мен сөмкелерді көргенде жүздері қуаныштан бал-бұл жайнады. Дорогаевтар отбасының спортпен шұғылданатын балаларына сыйланған спорттық киімдер денелеріне құйып қойғандай, шақ болды.
“Мектепке жол” республикалық қайырымдылық акциясы аясында облыстық полиция департаменті мен Петропавл қалалық полиция басқармасының бөлімшелері 36 отбасыда тұратын 97 мектеп оқушыға көмек көрсетпек.