День: 05.09.2019

Облыс әкімі Құмар Ақсақалов өңірімізге жұмыс сапарымен келген Еуропадағы Қауіпсіздік және Ынтымақтастық Ұйымының Аз ұлттар істері жөніндегі жоғарғы комиссары Ламберто Заньерді қабылдады.

Тимирязев ауданының орталығы Тимирязево ауылында 1973 жылы дүниеге келген әйел мен оның 2009 жылы туған қызы жеке тұрғын үйде газдан уланды. Оқыс оқиға түтін шығатын мұржаның тазаланбауы салдарынан орын алды.

Өңірде тіркелген 109 жеке күзет құрылымы 6 мыңға жуық нысанға бақылау жүргізеді. Биылғы жылдың өзінде күзет қызметі мамандарының көмегімен 39 қылмыстың беті ашылған.

Петропавл қалалық сотында әлеуметтік желілерде облыс орталығының автобустарындағы олқылықтар туралы жазбаларды жариялап, қоғамдық көлік жүргізушілерін бопсалаған блогер Константин Тимичевтің ісіне қатысты сот отырысы басталды. 38 жастағы жұмыссыз қала тұрғыны әбден тозып, әбден тозығы жеткен автобустардың сапасы, өздігінен жануы, олардың ішіндегі тазалық жағдайы, жолаушыларды тасымалдау ережелерін бұзу оқиғалары және жергілікті әкімдік шенеуніктерінің бұған немқұрайдылықпен қарайтындығын сынаған …

БҰРЫН СОТТАЛҒАН БЛОГЕР ТАҒЫ ДА ІСТІ БОЛДЫ Read More »

5-6 қыркүйек күндеріне «Қазгидромет» мамандары ескерту жариялады. Оңтүстіктен келген циклонның әсерінен қатты жел тұрып, жауын-шашын болуы мүмкін. Кей жерлерде нөсер жаңбыр жауып, найзағай ойнайды, дауыл тұрады. Солтүстік-шығыстан соғатын желдің екпіні секундына 15-20, кей жерлерде 23-28 метрге дейін күшейеді. 

Медициналық сақтандыру жүйесіндегі мәртебені анықтау үшін медициналық сақтандыру қоры «Saqtandyrý» атты қанатқақты ақпараттық жүйені іске қосты.  

Халықаралық қайырымдылық күні қарсаңында “Қазпошта” АҚ қазақстандықтарға «АЯЛА» қорының қайырымдылық жобаларына қатысуға мүмкіндік ұсынып отыр. Енді Қазақстанның кез-келген өңіріндегі “Қазпоштаның” барлық бөлімшелері мен терминалдары балалардың денсаулығын қорғау, сәби өлімін және мүгедектігін азайту мақсатындағы бағдарламаларға, сондай-ақ, осы қордың әртүрлі білім беру жобаларына қайырымдылық жәрдемін қабылдайды.

Қызылорда облысының Жаңақорған ауданында 1999-2000 жылдары дүниеге келген жастар арасында белбеу күресінен ел біріншілігі өтті. Бұл жарыста Қазақстанның әр облысынан келген 200-ге жуық спортшы 14 салмақ дәрежесі бойынша бақ таластырды.

Осыған дейін облыстық ішкі саясат басқармасы басшысы қызметін атқарып келген Әсем Рахметова “Nur Otan” партиясы облыстық филиалы төрағасының бірінші орынбасары болып тағайындалды. Оны партия активіне облыс әкімі, филиалдың төрағасы Құмар Ақсақалов таныстырды.

Петропавлдағы Сәбит Мұқанов атындағы облыстық ғылыми-әмбебап кітапханада Отбасы күніне орай шара өтті. Оған ұстаздар қауымы, ардагерлер мен жастар қатысты.

Өңірімізде “Жас кәсіпкер” қанатқақты жобасы аяқталды. Екі кезеңге созылған оқыту курсының қорытындысында 600 жас кәсіп жүргізу  негіздерін үйренді.  

Петропавлда рұқсат етілмеген жерден көшені қиып өтпек болған үш жүргінші көлік қағып кетті.

  Жеңіл салмақтағы “UFC” чемпионы, ресейлік Хабиб Нурмагомедов америкалық Дастин Порьеге қарсы жекпе-жек өткізеді. Турнир қыркүйектің 7-сі күні Нұр-Сұлтан уақыты бойынша 20:00-де басталады.   

  Дүниежүзілік бокс қауымдастығы (“WBA”) бірінші ауыр салмақтағы рейтингтің жаңарған нұсқасын жариялады.   

Солтүстік Қазақстан облысында жабылудың аз-ақ алдында тұрған ферма екі жылда адам танымастай өзгерді. Бұл – мемлекеттік қолдауды тиімді пайдалана білген фермер еңбегінің жемісі. Тайынша ауданындағы «Донецкое – Нұрлы Жол» жауапкершілігі шектеулі серіктестігі облыс орталығынан 200 шақырым жерде орналасқан. Белгілі бір себептермен Донецкое ауылының тіршілігі тұралап, берекесі кете бастағанда, іскер азаматтар бас біріктіріп, елді мекеннің тамырына …

МЕМЛЕКЕТТІК ҚОЛДАУ БІР АУЫЛДЫ ТҮЛЕТТІ Read More »

  Елордалық “Астана” Еуропа лигасының топтық кезеңінде Англияның атақты “Манчестер Юнайтед” командасымен кездеседі.   

  “Tour of Almaty – 2019” велододасы өз мәресіне жетті. Дәстүрлі сайыс екі күнге созылды.   

Мемлекет басшысы Қасым-Жомарт Тоқаев “Сындарлы қоғамдық диалог – Қазақстанның тұрақтылығы мен өркендеуінің негізі” атты Жолдауында экономика мен саясат, білім мен ғылым, өнер мен мәдениет салаларын дамыту бойынша ел алдында тұрған нақты міндеттерді белгіледі. Президент маңызды құжатта мемлекеттік тілдің мәртебесін көтеру мәселесін де ұмыт қалдырған жоқ.

Петропавлдағы Оқушылар сарайында оқу жылы 15 қыркүйек күні басталады. Қазіргі таңда әлемдегі озық IT-технологиялар қолданылатын орталыққа қабылдау жүріп жатыр. Былтыр мұнда 87 үйірме жұмыс істеп, екі мыңға жуық оқушы білім алды. Ал, биыл көркем эстетикалық бағытта тағы үш үйірме ашылмақ.

Ақындық – ардан, талант – тумыстан, сөз жүректен шықса, өмір мәнді, өнер нәрлі, тұрмыс сәнді болатыны сөзсіз. Мұны ұлттық құндылықтар қайнары – қазақ руханиятына, соның ішінде ақындық өнердің қасиет-құдіретіне, тарихы мен тағылымына қатысты айтуға әбден болады. Қазақ руханиятында, ұлттық сөз өнері тарихында дарын иелері, талантты тұлғалар аз емес. Сол биікте ақын Тоқтар Кәрімовтің есімі мен …

ӨЛЕҢІН ӨМІРІНЕ СЕРІК ЕТКЕН Read More »