Soltüstık Казахстан
Jambyl aýdanyna qarasty Troıskı aýyldyq okrýgi ákimi apparatynyń bas mamany alaıaqtyq jasaǵany úshin basy isti bolyp otyr. İs materıaldaryna súıensek, bas maman aýyl turǵyndarynan kólik salyǵyn tóleý úshin byltyr birneshe ret aqsha alǵan. Biraq jınalǵan 98 myń 550 teńge qarajattyń kók tıyny da jergilikti búdjetke túspepti. Memlekettik qyzmetshi bul qarjyny óz qajetine jumsaǵan.
Bul týraly Jambyl aýdandyq ákimdiginde Sybaılas jemqorlyqqa qarsy is-qımyl agenttigi oblystyq departamenti basshysynyń birinshi orynbasary Nurlan Jahınniń qatysýymen ótken keńeste aıtyldy.
Jambyl aýdanynda oryn alǵan olqylyqtardy aldaǵy ýaqytta boldyrmaý úshin ákimdik qyzmetkerlerine sybaılas jemqorlyqqa qarsy zańnamany túsindirý, jeke jaýapkershiligin arttyryp, tártipterin jetildirýge keńes berildi. Aldyn alý sharasynyń tıimdiligin arttyrý úshin ákimdik ujymyna beınerolık kórsetildi. “Qazirgi tańda elimizdegi sybaılas jemqorlyqqa qarsy saıasatty júzege asyrý jazalaýdan góri aldyn alýǵa baǵyttalǵan”, – dedi sybaılas jemqorlyqqa qarsy oblystyq departament basshysynyń birinshi orynbasary.
Keńes aıaqtalǵan soń qatysýshylar Jambyl aýdandyq jumyspen qamtý ortalyǵyna at basyn buryp, onyń jumysymen tanysty.
Roza SHÁKENOVA,
“Soltústik Qazaqstan”.