ШЫНАЙЫ ҚАМҚОРЛЫҚ

Soltüstık Казахстан

 Kyzylzhar_akparat@mail.ru

Өңірімізде соңғы жылдары туған ауылына қамқорлық жасап, мәдени демалыс және ауыл шаруашылығы нысандарын ашып жатқан кәсіпкерлер саны артуда. Солардың бірі – Нұр-Сұлтан қаласында тұратын Абзал Кәкімов. Елордалық инвестор өзі туып-өскен Уәлиханов ауданына қарасты Қайрат ауылында 1400 бас ірі қараға шақталған кешен салып, елді мекен тұрғындарын жаңа жұмыс орындарымен қамтыды.

Қайрат ауылында мал кешенін салу үшін елордалық кәсіпкер 70 млн. теңге инвес­тиция құйған. Енді асылтұқымды мал басы көбей-тіл­мек. Оған қажетті жемшөп пен техника дайын. Бұдан ауыл тұрғындарының да ұтары мол. Қазірдің өзінде қайраттық 13 азамат жұмыспен қамтылды.
“Мал кешенінің салынуы – мен үшін де, ауылдықтар үшін де зор қуаныш. Жерлестерім жаңа жұмыс орындары ашылғанына дән риза. Жаңа нысан жыл он екі ай жұмыс істейтінін бүгінде сеніммен айта ала­мын. Қайраттықтарға уақытында еңбекақыла­рын төлеп, әлеуметтік жағдайларын жақсартуға мүмкіндік туып отыр. Жұмыс­шыларымызға отын тегін беріледі. Ке­йін мал басы көбейген кезде оларға етпен де көмек көрсетілмек”, – деді “KAZ G INVEST” ауыл шаруашылығы өндірістік коопер­ативтері басқармасының басшысы Абзал Кәкімов.
Се­ріктестік жуырда 100 бас герефорд және қазақтың ақ бас сиырын сатып алыпты. Бұл мақсатқа инвестор 60 млн. теңге жұмсаған. Оның айтуынша, алдағы үш жылда шыққан шығын толығымен өтеледі. Сондықтан кәсіпкер не­гізінен ет бағытын дамытуды жоспарлап отыр.
Жаңа кешеннің іске қосылуы елді ме­кеннің әлеуетін арттырып қана қоймай, тұрғындар тұрмысының жақсара түсуіне де септігін тигізбек.
“Ауылымыз үшін осы бір игі шара үлкен жаңалық болды. Өйткені, жерлесіміз аса пайдалы істі қолға алып отыр. Болашақта біз­дің ауылымыздан ет және сүт өнімдері шығарылатыны біз үшін қуаныш. Бұл де­геніміз – ауылдың тамырына қан жүгіре бас­тады деген сөз. Алыстағы басқа да ағайындарға үлгі болады-ау деген үміттеміз”, – деді Қайрат ауылдық округінің әкімі Ержан Бітниев.

Нұрсұлтан ТІЛЕКТЕСОВ.