Soltüstık Казахстан
М. Қозыбаев атындағы СҚМУ-де Қарасай мен Ағынтай батырлардың мемориалдық кешенінің 20 жылдығына арналған “Ұлы даланың хас батырлары” атты республикалық ғылыми-тəжірибелік конференция басталды. Оған белгілі ғалымдар мен тарихшылар, зиялы қауым өкілдері мен студенттер қатысуда.
Конференцияда өңір басшысы Құмар Ақсақаловтың құттықтау сөзін жеткізген облыс əкімінің орынбасары Руслан Əлішев елім деп өткен батырлардың ерлігін дəріптеу шараларының маңызына тоқталды. Бүгінде өңір бойынша патриоттық тəрбие беру осындай істерден бастау алуы тиіс. Осы орайда қолға алынып жатқан игі бастамалар аз емес. Руслан Қанатханұлының айтуына қарағанда, бүгінде облыс мектептерінде өлкетану мұражайлары жұмыс істейді. Балалардың бойында отансүйгіштік қасиетті дамыту мақсатында түрлі мемлекеттік бағдарламалар жүзеге асуда.
Конференцияда тарих ғылымдарының кандидаты Берекет Кəрібаев Қарасай батыр туралы баяндама жасады.