Soltüstık Казахстан
Облыстық төтенше жағдайлар жөніндегі департаменттің оқу сыныбында мектепке дейінгі білім беру мекемелерінің басшыларымен азаматтық қорғаныс мәселелері бойынша сабақ өткізілді.
Оқу барысында тыңдаушыларға Қазақстан Республикасының «Азаматтық қорғаныс туралы» Заңының талаптарын түсіндіру, алғашқы медициналық көмек көрсету
бойынша сабақтар өткізілді, адамдар көп жиналатын нысандарда өрт қауіпсіздігін сақтау шаралары түсіндірілді, сондай-ақ суға шомылу кезеңіндегі балалардың қауіпсіздігі мәселелері қозғалды. Сабақ барысында балалар мен білім беру нысандары қызметкерлерінің қауіпсіздігін қамтамасыз етуге байланысты бірқатар өзекті мәселелер талқыланды.
Департамент қызметкерлері суға шомылу маусымы кезінде орын алған және көпқабатты ғимараттардың терезелерінен құлап кеткен балалардың қаза болуы мен жарақат алуы, сондай-ақ басқа да жазатайым оқиғалар туралы мысалдар келтірді. Тыңдаушылар танымдық ақпаратты құлақ түре тыңдап, ой түйді. Әсіресе психологиялық және медициналық дайындық бойынша тәжірибелік сабақтар олардың қызығушылығын туғызды.
Сабақ материалдары слайдтар, бейнероликтер, оқу құралдары арқылы көрнекі түрде берілді. Сонымен қатар департамент мамандары аудиторияның барлық сұрақтарына жауап берді.
Оқу қорытындысы бойынша 30-дан астам тыңдаушы азаматтық қорғаныс саласында даярлықтан және қайта даярлықтан өткендігі туралы сертификат алды.