Soltüstık Казахстан
Облыстық төтенше жағдайлар жөніндегі департаменттің өрт сөндіру және апаттық-құтқару жұмыстары қызметі мекемесінде «Өрт сөндіру бөлімі бастығының үздік орынбасары» атты байқау өтті. Шараның басты мақсаты – өрт сөндірушілерді ынталандырып, кәсіби біліктілігін арттыру, өрт сөндіру және өзге де төтенше жағдайларды жою тактикасының тиімділігін жетілдіре түсу.
Ақтық кезеңге аудандарда және Петропавл қаласында өткізілген жарыстарда іріктеуден өтіп, үздік деп танылған қарауыл бастықтары қатысты.
Жарыс бағдарламасына өрттен құтқару және дене шынықтыру бойынша нормативтер, өз саласы бойынша нормативтік-құқықтық актілерді қаншалықты білетіндіктерін бағалауға арналған тест тапсырмалары енгізілді.
Жарыстың қорытындысы бойынша үшінші орынға Новоишимское ауылының 16-ӨСБ бастығының орынбасары Ілияс Бахманов, екінші орынға Пресновка ауылындағы 11-ӨСБ өрт сөндіру бастығының орынбасары Бүркіт Ақтанов ие болды. Ал «Өрт сөндіру бастығының үздік орынбасары-2019» атағын Петропавл қаласының 1-МӨСБ бастығының орынбасары Марат Нұрғалиев иеленді.
Жеңімпаздар бағалы сыйлықтармен және грамоталармен марапатталды.