Soltüstık Казахстан
Солтүстікқазақстандық спортшылар Ақтөбе қаласында өтіп жатқан ұлттық спорт түрлерінен республикалық V фестивальде үздіктер қатарынан көрінуде.
Төрт жылда бір рет ұйымдастырылатын аталмыш бәсекеде көкпар, аударыспақ, теңге алу, жамбы ату, құсбегілік, бәйге, тоғызқұмалақ, асық ату, жекпе жек, қазақ күресі сияқты халқымыздың өзіне ғана тән ұлттық спорт түрлері жаңғыртылуда. Спорттық шараға еліміздің әр өңірінен келген 800-ге жуық спортшы қатысуда.
Петропавлдық “Тұлпар” ат спорты клубы көкпар бойынша сынға түсуде. Алғашқы айналымда Шығыс-Қазақстан облысының командасынан 4:0 есебімен басым түсті. Екінші айналымда Маңғыстау облысының өкілдерін 3:2 есебімен жеңді. Үшінші кездесуде тараздықтарға 3:6 есебімен жол берді. Жерлестеріміз кезекті айналымда алаң иелерімен сайысқа түсіп, қола медальді сарапқа салатын болады.
Спорттық клубтың мүшесі Нарбота Босов аударыспақ сайысында сәтті өнер көрсетіп, үздік үштікті түйіндеді.