Soltüstık Казахстан
Облыстық полиция департаментінің бастығы, полиция полковнигі Марат Төлебаев қылмысты ашу және заң бұзушыны ұстау барысында кәсібилік көрсеткен бір топ офицер мен сержантқа Алғыс хат табыстады.
– Азаматтардың сенімі қоғамдық тәртіпті қамтамасыз етудің тиімділігін арттыруға көмектесетін негізгі көрсеткіштердің бірі болып табылады. Осындай шаралар құқық қорғау органдарының ашықтығын көрсетеді, – деді Марат Төлебаев.
Еңбегі жоғары бағаланғандардың бірі – патрульдік полиция инспекторы Асхан Құрмашев. Оның қырағылығы ұрлықты ізін суытпай ашып, қолды болған затты иесіне қайтаруға мүмкіндік берді. Тәртіп сақшысы облыс орталығындағы Кошуков және Сәтбаев көшелерінің қиылысында жолда жүру ережесін бұзған жүргізушіні тоқтатқан. Құжаттарын тексеру барысында көліктің ұрланғаны белгілі болды. Бұл кезге дейін иесі автокөлігінің жоғалғанын аңғармаған да.
Шара барысында бірнеше полиция қызметкері офицерлік шендерін алды.