Soltüstık Казахстан
Өңірімізде “Әділет органдары кеңес береді” акциясы өтуде. Осы шараның аясында облыстық әділет департаменті “Nur Otan” партиясы облыстық филиалының қолдауымен тұрғындар көп жиналатын орындарда қабылдаулар өткізді.
Акцияның негізгі мақсаты әділет органдары жұмысының айқындығын көрсетіп, тұрғындардың құқықтық сауаттылығын арттыру, білікті заңгерлік көмекпен қамтамасыз ету және бұқара мен партия органдарының байланысын нығайту болып отыр. Мәселен, облыс орталығындағы “Семейный” сауда үйінде жеке сот орындаушылар, нотариустар, заңгерлер жылжымайтын мүліктік құқықтар, зияткерлік меншікті тіркеу, алимент төлеу, мұрагерлікті ресімдеу сынды түрлі мәселелер бойынша петропавлдықтарға құқықтық кеңес берді.
Осындай шаралар өңіріміздің барлық аудандарында да ұйымдастырылуда. Мәселен, “Nur Otan” партиясы Шал ақын ауданындағы филиалы ғимаратында өткен акция барысында жергілікті тұрғындар құқықтық кеңес алып, шараны ұйымдастырушыларға ризашылықтарын білдірді.