Соңғы бір тәуліктің ішінде Петропавл қаласында екі жол-көлік оқиғасы тіркелді. Соның салдарынан жаяу жүргіншілер зардап шекті. Бейсенбі күні кешқұрым “ВАЗ” автокөлігінің жүргізушісі Пушкин және Қазақстан Коснтитуциясы көшелерінің қиылысындағы жаяу жүргіншілерге арналған өтпенің жанында 15 жасар жасөспірімді соғып кетті. Зардап шегуші дереу ауруханаға жеткізіліп, оған алғашқы медициналық көмек көрсетілген соң, үйіне жіберілді.
“Қызылжар” шекаралық бақылау бөлімшесі арқылы өтпек болған Ресей азаматының көлігінен есірткі заты табылды.
Қазақстан Республикасы мен Ресей Федерациясы Үкіметтері арасындағы «Байқоңыр» ғарыш айлағынан зымырандарды ұшыру кезінде апаттар орын алған жағдайда өзара іс-қимыл тәртібі туралы келісімге сәйкес Қазақстан Республикасының азаматтық қорғаныс жүйесін ұйымдастыруды жетілдіру мақсатында Қазақстан Республикасы Ішкі істер министрінің орынбасары Юрий Викторович Ильиннің басшылығымен 31 қазан мен 1 қараша аралығында Петропавл қаласында «Протон» республикалық командалық-штабтық оқу-жаттығуы өтуде.
Петропавл қаласындағы Мағжан Жұмабаев атындағы гуманитарлық-педагогикалық колледжде мүмкіндігі шектеулі жандар арасында “Шексіз өнер” атты шығармашылық фестивалі өтті. Байқауда 7-15, 16-29 мен 30 және одан жоғары жас аралығындағы 60-тан астам адам алты аталым бойынша бақ сынасты.
Былтырғы қыста жауған қардың мөлшері аз болғанымен, 2018-19 жылдары облыстық төтенше жағдайлар жөніндегі департаменттің қызметкерлері 38 рет адамдарды қардың құрсауынан құтқарды. Мұның барысында 109 адам, соның ішінде 8 бала жылыту бекеттеріне көшірілді. 27 техника құралы қардың құрсауынан құтқарылды.
Облыс әкімі, “Nur Otan” партиясы облыстық филиалының төрағасы Құмар Ақсақалов қоғамдық қабылдау өткізді. Облыстық мәслихаттың депутаты Ғафура Бөстекова әлеуметтік жағынан әлжуаз отбасының балаларының әмбебап теннис орталығына тегін бару мүмкіндігін қарастыруды сұрады.
Қазіргі таңда шағын және орта бизнеске көрсетілетін мемлекеттік қолдау кәсіпкерліктің ел экономикасын дамытудағы маңызын аңғартады. Бұған жергілікті бұқаралық ақпарат құралдары “Даму” кәсіпкерлікті дамыту қоры АҚ-ы облыстық филиалының мамандары ұйымдастырған баспасөз турының барысында да көз жеткіздік. Журналистер кәсіпкерлікті дамытуға бағытталған мемлекеттік бағдарламалар аясында бизнес-жоспарын жүзеге асырып, өз ісін қолға алған серіктестіктердің жұмысымен танысты.
“Nur Otan” партиясы Алматы қаласындағы “Медеу” мұз айдынында қолға алынып, облыс орталығындағы “Dostyq mall” сауда-ойын-сауық орталығында жалғасын тапқан “Менің туым, менің Отаным” акциясына М.Қозыбаев атындағы Солтүстік Қазақстан мемлекеттік университеті де қатысты.
Петропавл полицейлері суық түсісімен, тұрғылықты мекенжайы жоқ тұлғаларды анықтау бағытындағы жұмыстарын жандандыра түсті. Полицейлер таңғы сағат 9-дан кешкі 19-ға дейін үйсіздер көп жүретін жылу құбырларын, вокзал маңын, жертөлелерді, қоқыс полигондары мен базарларды тексереді. Осындай жұмыстардың нәтижесінде жыл басынан бері қалалық полиция басқармасының қабылдау-тарату қосынына 2348 адам жеткізіліп, 299-ы сот шешімімен сонда орналастырылды.
“Абылай хан резиденциясы” музей кешенінде Шоқан Уәлиханов атындағы Сырымбет тарихи-этнографиялық музейінің “Шоқаны бар ел – шоқтығы биік ел” атты жылжымалы көрмесі ашылды.
Алматы қаласында семсерлесуден ерлер арасында Қазақстан Республикасының кубогы өтті. Бұл жарыста еліміздің түкпір-түкпірінен үміттерін үкілеп келген қыруар спортшы бақ пен бап таластырды.
Оқушылар сарайында Солтүстік Қазақстан облысының цифрландыру күндері аясында I-vent форумы өтті. Жиынға облыс әкімінің орынбасарлары Дәурен Жандарбек пен Руслан Әлішев, ҚР Цифрлық даму, инновациялар және аэроғарыш өндірісі вице-министрі Абылайхан Оспанов, Astana Hub халықаралық IT-стартаптар технопаркінің атқарушы директоры Әділет Нұрғожин қатысты.
“Tikeleı baılanys” айдарының кезекті қонағы облыстық энергетика және тұрғын үй-коммуналдық шаруашылығы басқармасы басшысының орынбасары Айдархан Мусин “Soltústіk Qazaqstan” газетінің электронды поштасына және “WHATSAPP” желісіне келіп түскен оқырмандардың сауалдарына жауап берген болатын. Бүгін осы сұхбатты назарларыңызға ұсынып отырмыз.
Мемлекетіміздің ұлттық қауіпсіздігіне төнетін қатерлердің бірі заңсыз көші-қон екені белгілі. Соның ішінде біздің еліміз арқылы түрлі мақсатта басқа мемлекеттерге заңсыз өтетіндерге тосқауыл қою аса маңызды.
Айыртау ауданының әкімі Бейбіт Исманов “Nur Otan” партиясының жергілікті филиалында қоғамдық қабылдау өткізді. Аудан басшысының қабылдауына келген тұрғындардың дені атаулы әлеуметтік көмек мәселесін алға тартса, бірқатар азаматтар жер алу, баспанаға қол жеткізу сұрақтары бойынша жүгінді.
