День: 04.11.2019

Петропавлда Қорғаныс министрлігіне қарасты әскери-техникалық мектептен әскерге шақырылушылар донор ретінде қан тапсырып, қайырымдылық акциясына қатысты.

Қазіргі таңда шағын және орта бизнеске көрсетілетін мемлекеттік қолдау кәсіпкерліктің ел экономикасын дамытудағы маңызын аңғартады. Бұған жергілікті бұқаралық ақпарат құралдары үшін “Даму” кәсіпкерлікті дамыту қоры АҚ-ы облыстық филиалының мамандары ұйымдастырған баспасөз турының барысында да көз жеткіздік. Журналистер кәсіпкерлікті дамытуға бағытталған мемлекеттік бағдарламалар аясында бизнес-жоспарын жүзеге асырып, өз ісін табысты жүргізіп отырған серіктестіктердің жұмысымен танысты. 

Облыс орталығында аналар мектебінің ұйымдастыруымен «Әжелер форумы» өтті. Отбасы құндылығы ұлықталған шараға ақ жаулықты әжелер мен қаладағы қазақ мектеріндегі «Қыздар клубының» мүшелері қатысты.

Облыс әкімі, “Nur Otan” партиясы өңірлік филиалының төрағасы Құмар Ақсақаловтың қатысуымен фракция отырысы өтті. Халық қалаулылары қатысқан жиында 2016-2020 жылдарға арналған өңірімізді дамыту бағдарламасының жүзеге асырылу барысы талқыланды. 

Петропавлда ғимарат ішінде тұрған екі көліктен өрт шығып, жарылыстың болуына жол берілмеді. Облыстық төтенше жағдайлар жөніндегі департаменттің баспасөз қызметінің мәліметінше, оқиға З қараша күні сағат 11.30 кезінде болған. «101» телефон нөміріне Ғ.Мүсірепов көшесіндегі 38Б-үй мекенжайында орналасқан бір қабатты ғимаратта өрт шыққандығы туралы хабар түскен. Автокөлік ангарында автобөлшектеу қызметі көрсетілген.

Облыс әкімі, “Nur Otan” партиясы облыстық филиалының төрағасы Құмар Ақсақалов Петропавл қаласында және Тайынша ауданында қоғамдық қабылдау өткізіп,  азаматтардың  өтініштерін тыңдады. 

Облыстық полиция департаменті баспасөз қызметінің мәліметінше, жыл басынан облыста мал ұрлығына қатысты 80 дерек тіркелген. Түліктің басым бөлігі жайылымнан жоғалған. «Облыстық полиция департаментінің біреудің мүлкін ұрлауға қарсы 2019-2020 жылдарға арналған іс-қимыл бағдарламасы бар. Ведомстволық жоба аясында мал ұрлығын ашу және алдын алу бойынша кешенді іс-шаралар жүзеге асырылады», — дейді криминалдық полиция басқармасының бастығы Петр Климов.

5-31 қазан аралығында облыс аумағында «Браконьер» жедел-алдын алу шарасы өтті. Оның барысында 18 қылмыстық іс қозғалды. Оның төртеуі артемия салина (қызыл) шаянын заңсыз аулауға қатысты. Қызыл шаянды негізінен косметология мен фармакологияда қолданады. Бір айдың ішінде браконьерлерден 5,5 тонна су жәндігі алынды. Олардың мемлекетке қанша шығын әкелгені есептеліп жатыр.